جۋرناليستەر ماراپاتتالدى

كەشە ىشكى ىستەر مينيسترلىگىندە قازاقستان پوليتسياسىنىڭ وڭ ءيميدجىن نىعايتۋعا قوسىپ ءجۇر­گەن ۇلەستەرى ءۇشىن ءبىر توپ جۋرناليست ءىىم گرامو­تاسىمەن, “ىنتىماقتاستىقتى دامىتۋعا قوسقان ۇلەسى ءۇشىن” ومىراۋ بەلگىسىمەن ماراپات­تالدى. ونى جۋرناليستەرگە ىشكى ىستەر ءمينيسترى­نىڭ ورىنباسارى الەكساندر كۋلينيچ تابىستادى. ىشكى ىستەر ورگاندارىنىڭ باسىم باعىتتارى­نىڭ ءبىرى حالىقتىڭ پوليتسياعا دەگەن سەنىمىن جوعارىلاتۋ بولىپ تابىلادى. سونداي-اق پوليتسيا قىزمەتكەرلەرىنىڭ ءوز قىزمەتىن اتقارۋى بارىسىندا كونستيتۋتسيالىق قۇقىقتارى مەن ازاماتتاردىڭ بوستاندىعىن ساقتاۋ. بۇل باسىم باعىتتار بۇقارالىق اقپارات قۇرالدارىنىڭ قاتىسۋىنسىز جانە قوعامسىز جۇزەگە اسپايتىن­دىعى بەلگىلى. وسى ورايدا جۋرناليستەردىڭ كاسىبي مەرەكەسى قارساڭىندا ىشكى ىستەر ءمينيسترى سەرىك بايماعانبەتوۆ قازاقستان پوليتسياسىنىڭ وڭ ءيميدجىن نىعايتۋعا قوسقان ۇلەسى, ەلىمىزدە قوعامدىق قاۋىپسىزدىكتى قامتاماسىز ەتۋ ماسەلەلەرى بويىنشا ماقالالار سەرياسىن كاسىبي دەڭگەيدە ۇيىمداستىرعانى ءۇشىن بىرقاتار رەسپۋبليكالىق باسىلىم جۋرناليستەرىن گراموتالارمەن ماراپاتتاۋ جونىندە بۇيرىق شىعارعان بولاتىن. “ەگەمەن قازاقستان”, “كازاحستانسكايا پراۆدا”, “يزۆەستيا”, “پانوراما”, “ەكسپرەسس ك”, تاعى دا باسقا گازەت تىلشىلەرى قۇرمەت قاعازىنا يە بولسا, “حابار” اگەنتتىگى” اق باسقارماسىنىڭ ءتورايىمى گۇلنار ىقسانوۆا “ىنتىماقتاستىقتى دامىتۋعا قوسقان ۇلەسى” ءۇشىن ومىراۋ بەلگىسىنە يە بولدى. ماراپاتتاۋ سوڭىندا ىشكى ىستەر ءمينيسترىنىڭ ورىنباسارى الەكساندر كۋلينيچ جۋرناليستەرگە شىعارماشىلىق تابىس تىلەدى. ۆەنەرا تۇگەلباي.