قاراجالدا دا مەرەكەلەندى

استانا كۇنى  قازىنالى قاراجال قالاسىندا قا­لىڭ جۇرتشىلىقتىڭ قاتىسۋىمەن “استانامەن ءبىر­گە تويلايمىز!” جالپى تاقىرىبى اياسىندا ءوت­كى­زىلگەن ماعىناسى زور ءىس-شارالارمەن ايشىقتالدى. مەرەكەلىك باعدارلامالار شىمىلدىعىن ءما­دە­ني-ساۋىقتىرۋ ورتالىعى جانىنداعى بەينەلەۋ ونەرى ۇيىرمەسىنە قاتىسۋشى بالالاردىڭ “اس­تاناعا سىيلىق” اتتى قولدانبالى ونەر كورمەسى اشتى. قالالىق تاريحي-ولكەتانۋ مۇراجايىنىڭ قىزمەتكەرلەرى ازىرلەگەن “ەلباسى جانە ەلوردا” تاقىرىبىنداعى فوتوسۋرەتتەر كورمەسى كوپشىلىك كوڭىلىنەن شىقتى. قالالىق مەملەكەتتىك مۇراعات تاراپىنان قويىلعان استانانىڭ قالىپتاسۋ كەزەڭى مەن بۇگىنگى كەلبەتى جايىندا ماعلۇمات بەرە­تىن  جىلجىمالى كورمە دە ءوز مازمۇن­دى­لىعىمەن ەل نازارىن اۋداردى. قالانىڭ ادەبيەتسۇيەر قاۋىمى قالالىق مادەني-ساۋىقتىرۋ ورتالىعىندا وتكەن اقىن, قازاقستان جازۋشىلار وداعىنىڭ مۇشەسى ءسابيت بەكسەيىتتىڭ “جۇرەكتەن قوزعار سىرىم بار” اتتى شىعارماشىلىق كەشىنەن ۇلكەن اسەر الدى. كەشتە شىعارماشىل تۇلعانىڭ ەلدىك پەن ەرلىك جانە استانا تاقىرىبىنا قاتىستى جىرلارى وقىلىپ, تاقىرىپقا ساي اندەر شىرقالدى. كەش يەسىن قالا اكىمى ع.مۇقاشەۆ قۇتتىقتاپ, ۇلتتىق داستۇرگە ساي يىعىنا شاپان جاپتى. مەرەكەلىك باعدارلاما ودان كەيىن “داڭق اللەيا­سىندا” استانا قۇرداستارىن ماراپاتتاۋعا ارنالعان “استانامەن بىرگە وسەمىز” اتتى اكتسياعا ۇلاستى. ونىڭ بارىسىندا استانا قۇرداستارىنا سىي-سياپاتتار مەن قۇتتىقتاۋ حاتتار تاپسى­رى­لىپ, ونەرلى ورەندەردىڭ ۇسىنعان مەرەكەلىك باع­دار­لاماسىنا قالا جۇرتشىلىعى قۋانا قول سوقتى. ورتالىق  الاڭداعى جالپىحالىقتىق سەرۋەنگە جالعاسقان گالا-كونتسەرت ءوزىنىڭ مازمۇنى مەن وعان قاتىسۋشىلاردىڭ ەل مەن جەرگە دەگەن ءسۇيىس­پەنشىلىك سەزىمدەرىنىڭ سەرگەكتىگىمەن ەرەكشەلەندى. مەملەكەتتىك مەرەكەلەردىڭ بىرەگەيى – استانا كۇنى وسىلايشا قالىڭ قاۋىمعا جاعىمدى اسەر قال­دىرعان مازمۇندى ءىس-شارالارعا اسا باي تۇرعىدا اتاپ ءوتىلدى. ايقىن نەسىپباي.