پرەزيدەنت پوشتاسىنان

ء“سىز دەنساۋلىققا ەرەكشە كوڭىل بولەتىن باسشىسىز ”مەملەكەت باسشىسىنىڭ اتىنا تاراز قالاسىنان مەديتسينا عىلىمدارىنىڭ دوكتورى, اكادەميك سەيىتحان جوشىباەۆتان حات كەلدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. بۇگىندە تاراز قالاسىنداعى كارديوحيرۋرگيا ورتالىعىندا قىزمەت اتقاراتىن س.جوشىباەۆ حاتىندا تاريحي وتانىنا ورالۋى “قازاقستان رەسپۋبليكاسىندا كارديولوگيالىق جانە كارديوحيرۋرگيالىق قىزمەتتى دامىتۋدىڭ 2007-2009 جىلدارعا ارنالعان باعدارلاماسىنىڭ” قابىلدانۋىمەن تۇسپا-تۇس كەلگەنىن جازادى. بۇل باعدارلاما, سونداي-اق دەنساۋلىق ساقتاۋ سالاسىنداعى بىرىڭعاي ۇلتتىق جۇيەنىڭ ەنگىزىلۋى وڭىرلەردە كارديوحيرۋرگيانىڭ دامۋىنا سەرپىن بەردى. اكادەميكتىڭ بايانداۋىنشا, “قىسقا مەرزىم ىشىندە بارلىق وبلىس ورتالىقتارىندا كارديوحيرۋرگيالىق بولىمدەر اشىلىپ, جۇمىس ىستەي باستاعان. ەندىگى جەردە جۇرەك اۋرۋىنىڭ سيپاتىن انىقتاۋ ءۇشىن ەمدەلۋشىلەردىڭ استاناعا نەمەسە الماتىعا بارۋىنىڭ قاجەتتىگى جوق. ءاربىر ەمدەلۋشى وبلىس ورتالىعىندا تەكسەرىستەن ءوتۋ مۇمكىندىگىنە يە. كوپتەگەن وڭىردە جۇرەككە وپەراتسيا جاسالا باستادى. بۇل حالىقارالىق دەڭگەيدەگى جەتىستىكتەرگە تەزدەتىپ جەتۋ, الەمنىڭ دامىعان 50 ەلىنىڭ قاتارىنان ورىن الۋ جولىنداعى ۇلكەن ءىس”. اۆتور سونداي-اق قازىرگى ۋاقىتتا ەلباسىنىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى جولداۋى مەن قازاقستاننىڭ 2020 جىلعا دەيىنگى دامۋ جوسپارىن جۇزەگە اسىرۋ ماقساتىندا ازىرلەنگەن, قازاقستاننىڭ مەديتسينا سالاسى­نىڭ جۇرتشىلىعى قازاقستان رەسپۋبليكاسى دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان “سالاماتتى قازاقستان” مەم­لەكەتتىك باعدارلاماسىن تالقىلاپ جاتقا­نىنا توقتالادى. “مەن ورالمان رەتىندە ءوتىپ جاتقان وقيعالاردى سالىستىرمالى تۇردە باعالايمىن. “سالاماتتى قازاقستان” باعدارلاماسىن جۇزەگە اسىرۋ ەلىمىزدىڭ دەنساۋلىق ساقتاۋ سالاسىن ەداۋىر جوعارى دەڭگەيگە كوتەرەدى. دارىگەر رەتىندە مەن سىزگە مىقتى دەنساۋلىق تىلەيمىن. ءسىز دەنساۋلىققا ەرەكشە كوڭىل بولەتىن باسشى جانە ازامات رەتىندە بارشامىزعا ۇلگى كورسەتىپ كەلەسىز”, – دەلىنگەن حاتتا.