اقمولا وبلىسىندا تەرگەۋشى اتىلىپ ءولدى

كوكشەتاۋ. 26 ناۋرىز. اقمولا وبلىسىندا اۋداندىق ىشكى ىستەر ءبولىمىنىڭ تەرگەۋشىسى ءوزىنىڭ كابينەتىندە وتىرىپ, تابەلدىك قارۋمەن اتىلىپ ءولدى. بۇل تۋرالى وبلىستىق ىشكى ىستەر دەپارتامەنتىنىڭ دەرەگىنە سۇيەنگەن egemen.kz ءتىلشىسى حابارلادى. «اقمولا وبلىسىندا ىشكى ىستەر ءبولىمىنىڭ تەرگەۋشىسى كەزەكشىلىكتە وتىرعانىندا اتىلىپ ءولدى», - دەلىنگەن حابارلامادا. وقيعا 24 ناۋرىز كۇنى اقمولا وبلىسى تسەلينوگراد اۋداندىق ىشكى ىستەر بولىمىندە ورىن العان. وسىندا 24 جاستاعى تەرگەۋشى ايەل وزىنە ءوزى قول جۇمساعان. «تەرگەۋشى كەزەكشىلىك كەزىندە ءوزىنىڭ كابينەتىندە تابەلدىك قارۋمەن اتىلىپ قالعان», - دەلىنگەن حابارلامادا. تسەلينوگراد اۋداندىق اكىمدىگىندەگىلەر مارقۇمنىڭ ولەر الدىندا جازىپ كەتكەن حاتى بار ەكەنىن ايتتى. اكىمدىكتەگىلەردىڭ الدىن الا بولجامى بويىنشا, سۋيتسيدكە ايەلدىڭ وتباسىنداعى جانجالى سەبەپ بولعان سياقتى. «اتالعان فاكت بويىنشا تەرگەۋ امالدارى جاساسىپ جاتىر. وقيعا ورنىندا كوميسسيا جۇمىس جاساۋدا», - دەگەندى قوستى بۇعان اكىمدىكتەگىلەر. باقبەرگەن امالبەك. مانبە: اقمولا وبلىسى, تسەلينوگراد اۋداندىق اكىمدىگى.