باستاما جالعاسىن تابادى

كەنتاۋدا بيىلعى جىلى 15 مىڭ گەكتارعا 20 مىڭعا جۋىق اعاش ەگىلەدى. ونىڭ 5 گەكتار جەرىنە 2 مىڭعا جۋىق تال ەگىلىپ, “جاسىل ايماق” جاسالادى.مەملەكەت باسشىسىنىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا ءمۇم­كىندىكتەرى” اتتى ەل حالقىنا جول­داۋىندا “وڭىرلەردىڭ دامۋى – ەل­دىڭ دامۋى” ەكەندىگى اتاپ كور­سەتىلىپ, ەل كولەمىندە ءوندىرىس اي­ماقتارىن قۇ­رىپ دامىتۋ, اۋىل شا­رۋاشى­لى­عى­نا باسا ءمان بەرۋ جانە ەل كولە­مىن­دە كوگالداندىرۋ, كور­كەيتۋ ىستە­رىن قولعا الۋ بارشانىڭ مىندەتى ەكەن­دىگى اتاپ كورسەتىلگەن. وسى با­سىم­دىقتار قازىرگى كەزدە استانا, الماتى قالالارىنان باس­تاۋ الىپ, بۇگىنگى كۇنى وڭتۇستىك قازاقستان وب­لىسىنىڭ اكىمى اسقار مىرزاح­مەتوۆ­تىڭ باستاماسىمەن شىمكەنت قالاسىندا جالعاسىن تاۋىپ وتىر. ال بۇگىنگى كۇنى بۇل يگىلىكتى ءىس-شارا شالعايدا ورنا­لاسقان اۋداندار مەن قالالاردا دا جۇيەلى تۇردە جۇزەگە اسۋدا. ەلبا­سىمىز ن.ءا.نازارباەۆتىڭ ەل حالقىنا جولداۋىن نەگىزگە العان كەنتاۋ قالاسىنىڭ اكىمدىگى دە قالانى كوگالداندىرۋ ءىسىن قولعا الدى. قالا اكىمدىگىنىڭ باستاماسى­مەن ۇيىم­داستىرىلعان سەنبىلىككە قالا اكىمى كوكتەمبەك تابىلديەۆ, قالا تۇرعىندارى ۇلكەن بەلسەندىلىك­پەن قاتىسىپ, قالاعا كىرە بەرىس اي­ماققا اعاش كوشەتتەرىن وتىرعىزدى. كەزىندە قازاقتىڭ زاڭعار جازۋشىسى م. و. اۋەزوۆ “قاراتاۋ ءتاجى” دەپ باعا بەرگەن كەنشىلەردىڭ قالاسى كەنتاۋدا بيىلعى جىلى 15 مىڭ گەكتارعا 20 مىڭعا جۋىق اعاش ەگىلەدى. ونىڭ 5 گەكتار جەرىنە 2 مىڭعا جۋىق تال ەگىلىپ, “جاسىل ايماق” جاسالادى. ەلباسىمىز ءار جىلعى جولداۋ­لارىندا ەل حالقىنىڭ الەۋمەتتىك جاعدايىن جاقسارتۋمەن قاتار, ەلىمىزدەگى شاعىن قالالار مەن اۋىلداردىڭ, وڭىرلەردىڭ دامۋىنا باسا ءمان بەرىپ, ەل ازاماتتارىنىڭ ءال-اۋقاتىنىڭ جاقسارۋىن ءبىرىنشى كەزەككە قويىپ كەلەدى. مەملەكەت باسشىسىنىڭ سىندارلى ساياساتى­نىڭ جەرگىلىكتى جەردە جۇيەلى تۇردە جۇزەگە اسۋىنا, كورسەتىلگەن ءىس-شا­رالاردىڭ دەر كەزىندە ورىن­دالۋىنا بار-كۇش جىگەر جۇمسالاتىن بولادى. قايرات زاينيشەۆ. وڭتۇستىك قازاقستان وبلىسى, كەنتاۋ قالاسى.