ءوڭىردىڭ ەڭ ۇزدىك دارىگەرى

اتاعىن يەلەنگەن تالعارلىق اق حالاتتى ابزال جانعا ەكى بولمەلى پاتەر كىلتى تاپسىرىلدى “سالاماتتى قازاقستان” 2011-2015 جىلدارعا ارنالعان باعدارلاماسىن كوپشىلىك تالقىلاۋىنا ۇسىنىلۋى تەگىن ەمەس. وڭىردە وسىعان وراي العا قوي­عان مىندەتتەر اۋقىمدى جانە ونى ىسكە اسىرۋعا ءمۇم­كىندىك پەن الەۋەت جەتكىلىكتى دەۋگە بولادى. وسى­لايشا حالىققا كورسەتىلەتىن مەديتسينالىق قىز­مەتتىڭ الەمدىك ستاندارتتارعا ساي جانە قول­جە­تىمدىلىگىن قامتاماسىز ەتۋ جايىنا نازار اۋدارىلۋدا. سوڭعى ەكى جىلدا ەكى وبلىستىق اۋرۋحانادا سا­ني­تارلىق اۆياتسيا بولىمدەرى, تالدىقورعاندا ايەل­دەر كونسۋلتاتسياسى, بالالار ەمحاناسى مەن كار­ديوحيرۋرگيا بولىمدەرى اشىلىپ, كوپشىلىك تالا­بى وڭ شەشىلگەنىن ايتۋعا بولادى. سونداي-اق, “100 مەكتەپ, 100 اۋرۋحانا” باعدارلاماسى بوي­ىن­شا وڭىردەگى التى مەكەمەنىڭ قۇرىلىسى جۇرگىزىلسە, ونىڭ تورتەۋى بيىل پايدالانۋعا بەرىلمەك. ولار­دىڭ قاتارىندا تالعار, ەڭبەكشىقازاق ورتالىق اۋداندىق اۋرۋحانالارى, وتەگەن باتىر كەنتىندەگى ايماقتىق بالالار اۋرۋحاناسى, الاكول اۋدانى دوستىق كەنتىندەگى اۋىلدىق اۋرۋحانا حالىق يگىلىگىنە قىزمەت ەتەدى. سونداي-اق “جول كارتاسى” باعدارلاماسىمەن 43 ەمدەۋ مەكەمەسىنە 1,3 ملرد. تەڭگەگە كۇردەلى جوندەۋ قولعا الىنىپ, قۇرىلىس جۇمىستارىنا 1633 ادام تارتىلىپ, بولىنگەن قارجىنىڭ دەنى يگەرىلىپتى. انا مەن بالا دەنساۋلىعىن قورعاۋ جولىندا دا كەشەندى شارالار قولعا الىنىپ, جاڭا تۋعان نارەستەلەردىڭ ءومىرىن ساقتاۋ ماقساتىندا وبلىس بيۋدجەتىنەن بولىنگەن قارجىعا اسا قاجەتتى 30 سيپاپ, 73 كيۋۆەز, 30 وكپەگە جاساندى دەم بەرە­تىن اپپارات پەن مەديتسينالىق قۇرال-جابدىقتار الىنعان. دارىگەرلەردىڭ كاسىبي بىلىكتىلىگىن جەتىل­دىرۋ ماقساتىنداعى جۇمىستاردىڭ تياناعىن كەل­تى­رۋگە دە بار مۇمكىندىك جۇمىلدىرىلعان. ءناتي­جە­سىندە اۋىلدىق جەردە ەڭبەك ەتەتىن مەديتسينا قىز­مەتكەرلەرىنە جەرگىلىكتى بيۋدجەتتەن كوم­مۋنال­دىق قىزمەت شىعىندارىن وتەۋگە 25 پاي­ىزدىق وتەماقى تولەنسە, سوڭعى ەكى جىلدا عانا ەمدەۋ مەكەمەلەرىنە قوسىمشا بەس مىڭعا جۋىق شتات بىرلىگى الىنعانى دا قۋانىشتى. سالانى بىلىكتى ماماماندارمەن تولىقتىرۋدىڭ ءبىر جولى جاس كادرلاردى تارتۋ جانە ولاردى تۇرعىن ءۇي, جەر تەلىمدەرىمەن قامتاماسىز ەتۋ ماسەلەسى دە جولعا قويىلعان. قازىرگى كەزدە وبلىس اكىمىنىڭ ارنايى گرانتىمەن 68 ستۋدەنت جوعارى وقۋ ورىندارىندا دارىگەرلىك ماماندىققا وقىتىلسا, جۇمىسقا كەلگەن 52 جاس دارىگەرگە پاتەر بەرىلىپ, جۇمىس ىستەۋىنە جاعداي جاسالعان. وبلىس اكىمىنىڭ تىكەلەي قولداۋىمەن بيىل حالىقتىڭ دەنساۋلىعىن كۇزەتۋدە مەيىرىم شۋاعى, ايالى الاقانىمەن قىزمەت اتقارعان دارىگەرلەر اراسىندا وبلىستىق بايقاۋ جاريالانىپ, تۇپكى ماقسات جولىنداعى جۇمىس سارالانعان ەدى. مەدي­تسينا قىزمەتكەرلەرىنىڭ ءتول مەرەكەسى قارساڭىندا ونىڭ قورىتىندىسى شىعارىلدى. جۇزدەگەن ءارىپ­تەستەرىنىڭ اراسىنان تالعارلىق تەراپەۆت-دارىگەر بەكزات الپامىشوۆا “وبلىستاعى ەڭ ۇزدىك دارىگەر” اتاعىنا يە بولىپ, وعان وبلىس اكىمى سەرىك ۇمبە­توۆ تالدىقورعان قالاسىنان ەكى بولمەلى پاتەردىڭ كىلتىن سالتاناتتى جاعدايدا تاپسىردى. بۇدان كەي­ىنگى ورىنعا تالدىقورعان قالالىق ەمحاناسىنىڭ دارىگەرى عاليا قوجاحمەتوۆا يە بولىپ, مەرەي­لەندى. وزگە دە ءوز ءىسىنىڭ مايتالماندارى ماراپات­تالىپ, ەڭبەكتەرىنىڭ وتەۋىن كوردى. بايقاۋ دارىگەرلەردىڭ كاسىبي بىلىكتىلىگىن, قا­بىلەتىن, ەمدەلۋشىلەرگە قىزمەت كورسەتۋدەگى ۇم­تى­لى­سى مەن ەڭبەگىنە جول اشاتىنىن تاعى ءبىر بايقاتتى. كۇمىسجان بايجان, الماتى وبلىسى.