فوتو: Depositphotos
اتالعان قاراجاتتى تەك ەكى ماقساتتا: تۇرعىن ءۇي جاعدايىن جاقسارتۋ نەمەسە ءبىلىم اقىسىن تولەۋگە جۇمساۋعا بولادى. وتىنىمدەر «وتباسى بانكتىڭ» ونلاين پلاتفورماسى ارقىلى قابىلدانادى. بانك دەرەكتەرىنە سۇيەنسەك, ءالى كۇنگە دەيىن ۇلتتىق قوردان تۇسكەن اقشانى پايدالانباي جۇرگەندەر بار.
«بۇل قاراجات قازىر بجزق-داعى شوتتاردا ساقتالىپ تۇر. الايدا وعان ەشقانداي قوسىمشا تابىس ەسەپتەلمەيتىنىن ەسكەرۋ قاجەت. ەگەر 10 جىل ىشىندە بۇل اقشا پايدالانىلماسا, ول اۆتوماتتى تۇردە ازاماتتىڭ زەينەتاقى شوتىنا اۋدارىلادى», دەپ مالىمدەدى بانك وكىلدەرى.
78 مىڭنان اسا بالا «ۇلتتىق قوردان» تۇسكەن قارجىعا وقۋ اقىسىن تولەگەن
بۇگىندە ەل تۇرعىندارى ۇلتتىق قوردان تۇسكەن قارجىنى كوبىنە ەل ىشىندەگى وقۋ اقىسىن تولەۋگە, «Aqyl» ءبىلىم بەرۋ دەپوزيتىن تولىقتىرۋعا نەمەسە وقۋ ءۇشىن العان نەسيەنىڭ ءبىر بولىگىن وتەۋگە جۇمساپ وتىر. ال ەگەر ءبىلىم الۋعا اقشا جۇمساۋدىڭ قاجەتتىلىگى بولماسا, بۇل قارجىنى «وتباسى بانكتەگى» دەپوزيتكە اۋدارۋعا مۇمكىندىك بار. مۇنداي جاعداي جيناق يەسىنە قوسىمشا تابىس اكەلەدى.
بانك ماماندارىنىڭ ايتۋىنشا, شاعىن سوما بولسا دا, دەپوزيتكە سالىنعان قاراجات «جۇمىس ىستەي» باستايدى.
ء«تىپتى از عانا جيناقتىڭ ءوزى سالىمشى ءۇشىن جۇمىس ىستەيدى. وعان بانكتىڭ 2% سىياقىسى مەن مەملەكەتتىڭ 20% سىياقىسى (200 اەك-تەن اسپايتىن سوماعا) قوسىلادى. دەپوزيتتىڭ جىلدىق ءتيىمدى سىياقى مولشەرلەمەسى مەملەكەت سىياقىسىن ەسەپتەگەندە جىلدىق 14%-عا دەيىن جەتەدى. دەپوزيتتىڭ بولۋى جاس سالىمشىعا جەكە باسپاناسىن از شىعىنمەن ساتىپ الۋعا كومەكتەسەدى. جيناق شوتىن تۇراقتى تۇردە تولىقتىرىپ وتىرسا, جىلدىق مولشەرلەمەسى 3,5% بەن 8,5% ارالىعىندا بولاتىن تۇرعىن ءۇي قارىزىن الۋعا كەپىلدىك بەرىلەدى», دەپ اتاپ ءوتتى بانك وكىلدەرى.
قازىردىڭ وزىندە 18 جاسقا تولعان ازاماتتار وسى كەڭەسكە قۇلاق اسىپ, ۇلتتىق قورداعى اقشاسىن «وتباسى بانكتەگى» ەسەپشوتىنا اۋدارىپ ۇلگەرگەن. بۇگىندە بۇل باعىت بويىنشا 112 818 ءوتىنىم وڭدەلدى. سونداي-اق بۇل قارجىنى پاتەر ساتىپ الۋ كەزىندە العاشقى جارنا رەتىندە نەمەسە ءۇيدىڭ اقىسىن تولىق تولەۋ ءۇشىن دە پايدالانۋعا بولادى.
ەسكە سالا كەتەيىك, شوتقا تۇسكەن قاراجاتتى eGov mobile قوسىمشاسىنان, كەيبىر ەكىنشى دەڭگەيلى بانكتەردىڭ سەرۆيستەرىنەن نەمەسە بجزق سايتىنان تەكسەرۋگە بولادى.
«ۇلتتىق قور – بالالارعا»: 18 جاسقا تولعان 200 مىڭنان استام قاتىسۋشى ماقساتتى جيناقتارىن پايدالاندى
