اقپان ايىندا اۋا رايى قانداي بولادى؟

ايدىڭ ءبىرىنشى ونكۇندىگىندە ەلدىڭ باتىسى مەن سولتۇستىك-باتىسىندا, سونىڭ ىشىندە اقتوبە وبلىسىندا اۋا تەمپەراتۋراسىنىڭ تومەندەۋى كۇتىلەدى. تۇندە تەرمومەتر باعانى –23-28 گرادۋسقا, كۇندىز –15-23 گرادۋسقا دەيىن تومەندەيدى. ونكۇندىك سوڭىنا قاراي اياز السىرەپ, تۇندە –10-20, كۇندىز 0-8 گرادۋس شاماسىندا بولادى.

قازاقستاننىڭ سولتۇستىگىندە, ورتالىعىندا جانە شىعىسىندا قىسقا مەرزىمدى جىلىنۋ بولجانىپ وتىر. تۇنگى تەمپەراتۋرا –15-25 گرادۋستان –2-10 گرادۋسقا, ال كۇندىز –5-13 گرادۋستان +4 گرادۋسقا دەيىن كوتەرىلەدى. ونكۇندىكتىڭ سوڭىندا قايتادان سۋىتادى: تۇندە –18-28, كۇندىز –13-20 گرادۋس بولادى.

ەلدىڭ وڭتۇستىك-باتىسىندا, وڭتۇستىگىندە جانە وڭتۇستىك-شىعىسىندا اۋا تەمپەراتۋراسى قۇبىلمالى بولادى. تۇندە –5 گرادۋستان +5 گرادۋسقا دەيىن, كەي جەرلەردە –11 گرادۋسقا, ال قىزىلوردا وبلىسىنىڭ سولتۇستىگىندە –18 گرادۋسقا دەيىن تومەندەۋى مۇمكىن. كۇندىز اۋا تەمپەراتۋراسى +3-10 گرادۋستان +8-17 گرادۋسقا دەيىن جىلىپ, كەيىن 0-8 گرادۋسقا دەيىن تومەندەيدى.

سينوپتيكتەر قازاقستاننىڭ توعىز قالاسىندا اۋا لاستاناتىنىن ەسكەرتتى

جالپى العاندا, اقپان ايىنداعى ەڭ سۋىق كۇندەر ەلدىڭ باتىسىندا, سولتۇستىگىندە, ورتالىعىندا جانە شىعىسىندا ايدىڭ ءبىرىنشى جانە ەكىنشى ونكۇندىگىندە كۇتىلەدى. تۇندە اۋا تەمپەراتۋراسى –21-30 گرادۋسقا, ال شىعىستىڭ تاۋلى ايماقتارىندا –35 گرادۋسقا دەيىن تومەندەۋى مۇمكىن. كۇندىز –13-20 گرادۋس اياز ساقتالادى.

رەسپۋبليكانىڭ وڭتۇستىك جارتىسىندا اي بويى تۇنگى تەمپەراتۋرا –5 گرادۋستان +5 گرادۋسقا دەيىن, كەي جەرلەردە –15 گرادۋسقا دەيىن اۋىتقيدى. كۇندىز +10 گرادۋستان +8-17 گرادۋسقا دەيىن جىلىنادى.

سينوپتيكتەر سونداي-اق تۇمان ءتۇسىپ, كوكتايعاق بولىپ جانە جەل كۇشەيەتىنىن ەسكەرتەدى.

اۋا رايىنىڭ قولايسىزدىعى: قاي وڭىرلەردە جولدار جابىلدى؟