بۇل تۋرالى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ەركىن كەلەسوۆ مالىمدەدى.
وتكەن جىلى اتالعان كارتا اياسىندا 65 647 جاڭا جۇمىس ورنىن اشۋ كوزدەلىپ, جىل قورىتىندىسى بويىنشا 73 811 جۇمىس ورنى قۇرىلدى. ناتيجەسىندە جوسپار 112,4 پايىزعا ورىندالعان. ال بيىلعى جوسپار 42 875 جۇمىس ورنىن قۇرايدى.
مەملەكەت باسشىسىنىڭ «10 مىڭ تۇرعىنعا 100 جۇمىس ورنى» تاپسىرماسىنا سايكەس 20 475 جۇمىس ورنى اشىلىپ, بەلگىلەنگەن جوسپار (12 534) ارتىعىمەن ورىندالدى. بيىل بۇل باعىتتا 6 750 جۇمىس ورنىن اشۋ جوسپارلانىپ وتىر.
«وتكەن جىلى جۇمىسپەن قامتۋدىڭ بەلسەندى شارالارىنا 18 056 ادام تارتىلدى. 1000-نان اسا ادامعا قايتارىمسىز گرانت بەرىلدى. بيىل بۇل كورسەتكىش 8 865 ادامدى قۇراپ وتىر. ەلەكتروندى ەڭبەك بيرجاسى ارقىلى جۇمىس بەرۋشىلەر ۇسىنعان بوس جۇمىس ورىندارىنا 31 303 ادام جۇمىسقا ورنالاستىرىلدى. وسى جىلى 26 522 ادامدى ەڭبەكپەن قامتۋ جوسپارلانعان», دەدى باسقارما باسشىسى.
ۇلتتىق جوبالار مەن سالالىق تۇجىرىمدامالار اياسىندا 3 977 جۇمىس ورنى قۇرىلعان بولاتىن.
