فوتو: اشىق دەرەككوز
AERC بولجامىنا سايكەس Brent ماركالى مۇنايدىڭ ورتاشا باعاسى 2026 جىلى ءبىر باررەل ءۇشىن 60 اقش دوللارى دەڭگەيىندە بولادى (بۇعان دەيىن – 58 دوللار بولعان). بولجامنىڭ قايتا قارالۋى حالىقارالىق اگەنتتىكتەردىڭ الەمدىك مۇناي نارىعىنداعى ۇسىنىس ءپروفيتسيتى ازايۋىنا بايلانىستى.
قازاقستاننىڭ نەگىزگى ساۋدا سەرىكتەستەرىنىڭ ەكونوميكاسى (رەسەي, ەو, قىتاي) 2026 جىلى ورتا ەسەپپەن 1,8% وسەدى. بۇل, اسىرەسە, ەۋروايماق ەلدەرىندەگى ەكونوميكالىق ءوسىمنىڭ جەدەلدەۋىمەن تۇسىندىرىلەدى.
قازاقستانداعى مۇناي مەن گاز كوندەنساتىن ءوندىرۋ كولەمى 2026 جىلى 93 ملن توننا دەڭگەيىندە قالىپتاسادى دەگەن بولجام بار. سونىمەن قاتار, AERC ساراپشىلارى ەنەرگەتيكا مينيسترلىگىنىڭ مالىمدەمەلەرىنە سۇيەنە وتىرىپ, تەڭىز, قاراشىعاناق جانە قاشاعان كەن ورىندارىنداعى ءىرى جوبالاردىڭ ىسكە اسۋىنا بايلانىستى ناقتى ءوندىرىس كولەمى 100 ملن توننادان دا اسۋى مۇمكىن ەكەنىن اتاپ ءوتتى.
2026 جىلعا ارنالعان USD/KZT ورتاشا باعامى 546 تەڭگە دەڭگەيىنە دەيىن قايتا قارالدى (قازان ايىنداعى بولجامدا – 551,36 تەڭگە). بۇل مۇناي باعاسىنىڭ جوعارىلاۋىنا جانە تەڭگە ءۇشىن سىرتقى ەكونوميكالىق جاعدايدىڭ جاقسارۋىنا بايلانىستى.
ورتاشا جىلدىق تۇتىنۋ ينفلياتسياسى 2026 جىلى 9,5% بولادى دەپ كۇتىلەدى (بۇعان دەيىن – 8,6%).
2026 جىلعى مەملەكەتتىك بيۋدجەت تاپشىلىعى 5,95 ترلن تەڭگەنى نەمەسە ءىجو-ءنىڭ – 3,3%-ىن قۇراۋى مۇمكىن. تاپشىلىقتىڭ ۇلعايۋى جوسپارلانعان مەملەكەتتىك باعدارلامالارعا بايلانىستى بيۋدجەت شىعىندارىنىڭ وسۋىمەن تۇسىندىرىلەدى.
ەل ەكونوميكاسى قالاي ءوسىپ جاتىر: دەپۋتات قاراپايىم سوزبەن ءتۇسىندىرىپ بەردى
حالىقتىڭ ناقتى اقشالاي تابىسىنىڭ ءوسىمى 2026 جىلى 3,7% دەڭگەيىنە دەيىن تومەندەتىلدى (بۇعان دەيىن – 4,8%). نەگىزگى كاپيتالعا سالىناتىن ينۆەستيتسيالار 2026 جىلى 8,7% وسەدى دەپ كۇتىلەدى (الدىڭعى بولجام – 6,7%). بۇل التى جىل ىشىندە كەمىندە 270 ترلن تەڭگە ينۆەستيتسيا تارتۋدى كوزدەيتىن مەملەكەتتىك قولداۋ شارالارىمەن بايلانىستى.
AERC ساراپشىلارىنىڭ پىكىرىنشە, ەگەر اقش ساياساتىنا بايلانىستى تۋىنداعان ساۋدا سوعىستارىنىڭ اسەرى ازايىپ, الەمدىك ەنەرگيا نارىقتارىنداعى جاعداي تۇراقتالسا, قازىرگى ماكروەكونوميكالىق بولجامدى جاقسارتۋعا مۇمكىندىك بار.
