كەشە...

...ورتالىق اشىلىپ, كولىكتەر تاپسىرىلدى ءوندىرىستى وڭىردە جۇمىس ساپا­رى­مەن بولعان توتەنشە جاعدايلار ءمينيسترى ۆ.ك.بوجكو وسى بۋىن­نىڭ وبلىستىق قۇرىلىمى جۇ­مى­سىمەن تانىستى. تجم جانىنان قۇرىلعان داعدارىستىق ورتالىق­تىڭ اشىلۋىنا قاتىستى. اپاتتى توسىن وقيعالار بولا قالعان جاع­دايدا بارلىق ءىس-شارالار جەدەل وسىدان باسقارىلادى. ورتالىق وسى زامانعا بايلانىس قۇرال­دا­رى­نىڭ سوڭعى ۇلگىلەرىمەن جابدىق­تال­عان. مۇنىڭ ءوزى توتەنشە جاع­داي­لار سالدارلارىن تەز جويۋعا مۇمكىندىك بەرەدى. مينيستر “كومىر” اسكەري­لەن­دى­رىلگەن قۇتقارۋ قىزمەتىمەن تا­نىستى. شاحتالارداعى اپاتتار كە­زىندە كەنشىلەردى قۇتقارۋ جۇمىس­تارىمەن شۇعىلداناتىن بۇل قىز­مەت­تى جەتىلدىرۋ جولدارى تالقى­لان­دى. سوڭىنان اتالعان قۇرى­لىم­نىڭ قالالىق جانە اۋداندىق بولىمشەلەرىنە ارنايى جابدىق­تالعان كولىكتەر تاپسىرىلدى. ايقىن نەسىپباي,قاراعاندى. ...قالا تۇرعىندارى گەرمانيانى تاماشالادى قوستانايداعى كوركەمسۋرەت گا­لەرەياسىندا “قازىرگى گەرمانيا” اتتى جىلجىمالى كورمە اشىلدى. گەرمانيانىڭ قازاقستانداعى جى­لىنا ارنالعان بۇل شارا قوستا­ناي­لىقتارعا ەۋروپاداعى الدىڭعى قاتارلى ەل تۋرالى مول مالىمەت بەرەدى. كورمەنىڭ اشىلۋ سالتانا­تىندا ءسوز العان وبلىس اكىمىنىڭ ورىنباسارى ۆيكتور مەيەستر ەكى ەل قارىم-قاتىناسىندا مۇنداي شارانىڭ ماڭىزدى ەكەنىن ايتتى. – گەرمانيا – ءوندىرىسىنىڭ دا­مۋى جاعىنان الەمدە جەتەكشى ورىن الاتىن ەلدەردىڭ ءبىرى. ءبىزدىڭ ودان ۇيرەنەرىمىز كوپ. ال مىنا كورمەدەگى ەلدىڭ قۋاتتى ەكو­نو­مي­كا­سى مەن الەۋمەتتىك تۇرمىسى, ءما­دەنيەتى مەن ءبىلىمى تۋرالى ءما­لى­مەت­تەر قوستاناي­لىقتاردىڭ گەرمانيا تۋرالى جاقىنىراق بىلۋىنە ءمۇم­كىن­دىك بەرەدى, – دەدى ۆيكتور ۆيكتوروۆيچ. كورمەگە كەلۋشىلەر بەلگىلى نە­مىس فوتوسۋرەتشىسى تورستەن ەلگەر تۇسىرگەن كومپوزيتسيالاردان بەر­لين مەن فرانكفۋرت قالالارىنىڭ تۇنگى كورىنىستەرىن, ەلدىڭ باسقا دا كورىكتى جەرلەرىن تاماشالادى. سو­نىمەن قاتار, وسى كورمە گەرمانيا مەن قازاقستان اراسىنداعى ەكونو­مي­كالىق جانە مادەني بايلا­نىس­تار تۋرالى دا مول حاباردار ەتتى. گەرمانيانىڭ قازاقستانداعى ەلشىلىگى ۇيىمداستىرعان بۇل كوش­پەلى كورمە ەلىمىزدىڭ باسقا وبلىس­تارىن دا ارالايتىن بولادى. ءنازيرا جارىمبەتوۆا, قوستاناي. ...اكتسيا شەڭبەرىندە سەمينار-كەڭەس ءوتتى رەسپۋبليكالىق “بىرلىگىمىز جاراسقان” اكتسياسى شەڭبەرىندە تال­دىقورعاندا وبلىستىق قازاق­ستان ىسكەر ايەلدەرى اسسوتسياتسيا­سى­نىڭ ۇيىمداستىرۋىمەن بيزنەستى جاڭا باستاعان كاسىپكەرلەردى قول­داۋ ماقساتىندا ء“وز بيزنەسىمىزدى قالاي اشامىز” دەگەن تاقىرىپتا سەمينار-كەڭەس وتكىزىلدى. كەڭەسكە “حالىق بانكى” مەن “اليانس بانكىنىڭ” وكىلدەرى قاتى­سىپ, جاس كاسىپكەرلەرگە بەرىلەتىن نەسيەنى الۋ جولدارى, قارجىلان­دىرۋ ماقساتىندا قۇرىلعان “دامۋ” باعدارلاماسى اياسىنداعى قولداۋ جايلى ەگجەي-تەگجەيلى ءتۇسىن­دىردى. جەكە كاسىپكەرلەردىڭ سۇراقتارىنا جاۋاپ بەرىلىپ, قانداي دا ءبىر قيىندىق تۋىن­دا­عان­دا “اتامەكەن” وداعى مەن قا­لالىق جانە وبلىستىق ورتا جانە شاعىن كاسىپكەرلىكتى دامىتۋمەن اينالىساتىن سالا ماماندارىنان كەڭەس الۋعا بولاتىنى اتاپ كور­سەتىلدى. كاسىبىنەن ءناسىبىن تابۋدى كوزدەگەندەرگە بۇل كەزدەسۋدىڭ ماڭىزى زور ەكەندىگى بايقالدى. كۇمىسجان بايجان, الماتى وبلىسى.