قازاقستان قازىرگى كەزەڭدە تاريحي جاڭعىرۋ ساتىسىنا قادام باسىپ, جۇرگىزىلىپ جاتقان رەفورمالار جاڭا قۇقىقتىق دەڭگەيگە كوتەرىلىپ وتىر.
«ارينە, ونىڭ باستى ءارى بالاماسىز كەپىلى – بۇگىن ءسىز بەن ءبىز سارالاپ, ەرتەڭ بۇكىل ەل تاڭداۋ جاساپ, باعاسىن بەرەتىن – جاڭا اتا زاڭ. ەل پرەزيدەنتى ەرەكشە اتاپ وتكەندەي, بۇل ءمان-ماڭىزى جاعىنان دا, ساياسي-قۇقىقتىق مازمۇنى تۇرعىسىنان دا جاڭا قۇجات», دەدى ا. بالاەۆا.
بۇل رەتتە جاڭا كونستيتۋتسيا جوباسى – ەلدىڭ وتكەن جولىن جوققا شىعارۋ ەمەس, كەرىسىنشە, ساياسي ساباقتاستىقتى ساقتاي وتىرىپ, جەتىستىكتەردى جاڭعىرتۋ مەن كەمشىلىكتەردى تۇزەتۋگە باعىتتالعان قادام. رەفورمالاردىڭ باستى ماقساتى – ەل تاۋەلسىزدىگىن نىعايتىپ, ادىلدىككە, زاڭ مەن تارتىپكە نەگىزدەلگەن مەملەكەت قۇرۋ.
ەرلان قارين: جاڭا كونستيتۋتسيا قازاقستاننىڭ كەمەلدەنگەن مەملەكەتتىگىن كورسەتەدى
«بۇل وزگەرىستەردىڭ ەڭ باستى لەيتموتيۆى دە – ەل تاۋەلسىزدىگىنىڭ تۇعىرىن ءبىرجولا نىعايتىپ, الەم ساناساتىن ساياسي ۇلتتىڭ قولىنا تولقۇجاتىن بەرىپ, جولىن اشۋ. بۇل تەرەڭ وي ء«بىز – قازاقستاننىڭ ءبىرتۇتاس حالقى» دەپ باستالاتىن كونستيتۋتسيانىڭ جاڭا كىرىسپەسىنەن-اق جاقسى كورىنىپ تۇر», دەدى پرەمەر-ءمينيستردىڭ ورىنباسارى.
كونستيتۋتسيانىڭ جاڭا نورمالارى ازامات قۇقىقتارى مەن ۇلتتىق مۇددەلەردىڭ ۇيلەسىمىن قامتاماسىز ەتۋگە باعىتتالادى. زاڭ ۇستەمدىگى, ادىلدىك جانە قوعامدىق كەلىسىم قوعام مەن مەملەكەت اراسىنداعى سەنىمدى نىعايتۋدىڭ نەگىزگى تىرەگىنە اينالماق.
سەرىك ەگىزباەۆ كونستيتۋتسيالىق رەفورمانىڭ نەگىزىن قۇرايتىن ءۇش ستراتەگيالىق تىرەكتى بەلگىلەپ بەردى
سايلاۋ جۇيەسىن جاڭارتۋ ارقىلى ساياسي پارتيالاردىڭ ءرولى كۇشەيىپ, ساياسي باسەكە مەن ساپالى قوعامدىق پىكىرتالاسقا جول اشىلادى. پارتيالار ازامات پەن مەملەكەت اراسىنداعى ناقتى ديالوگ الاڭىنا اينالۋى ءتيىس.
ايدا بالاەۆا مەملەكەت باسشىسى ۇسىنعان وزگەرىستەر كەزەكتى ءبىر تۇزەتۋلەر ەمەس, ازاماتتارىمىزدىڭ مۇڭ-مۇقتاجىن ەسكەرەتىن, ادىلدىكتى تۋ ەتىپ, زاڭ مەن تارتىپكە نەگىزدەلگەن ەل دامۋىنىڭ ۇزاق مەرزىمدى تىڭ مودەلى ەكەنىن ايتتى.
«جان-جاقتى تالقىلاۋلار مەن ۇسىنىستاردى سارالاي كەلە, كەشە تانىستىرىلعان ءماتىندى كونستيتۋتسيانىڭ جاڭا رەداكتسياسى دەپ ەمەس, كونستيتۋتسيانىڭ جاڭا جوباسى دەپ قاراستىرۋ ۇسىنىسىن قولدايمىن. جان-جاقتى تالقىلاۋلار مەن ۇسىنىستاردى سارالاي كەلە, كەشە تانىستىرىلعان ءماتىندى كونستيتۋتسيانىڭ جاڭا رەداكتسياسى دەپ ەمەس, كونستيتۋتسيانىڭ جاڭا جوباسى دەپ قاراستىرۋ ۇسىنىسىن قولدايمىن», دەدى پرەمەر-ءمينيستردىڭ ورىنباسارى.
