الاياقتار كوبىنە اقشاعا مۇقتاج نەمەسە اڭعال جانداردى قۇرىعىنا تۇسىرەدى. اسىرەسە, جۇمىس تاجىريبەسىن تالاپ ەتپەيتىن جەڭىل تابىس ۋادەسى ستۋدەنتتەر مەن مەكتەپ وقۋشىلارىن دا ءجيى قىزىقتىرادى. ولار تابىس تابۋدىڭ وڭاي جولىن ۇسىنىپ, ادامداردى زاڭسىز ارەكەتتەرگە يتەرمەلەيدى.
تەك اۋدارىمدى قابىلداپ, ءارى قاراي جىبەرۋ جانە سول ءۇشىن كوميسسيا العاندا تۇرعان ەشنارسە جوقتاي كورىنەدى. الايدا مۇنداي ارەكەتتەر اۋىر قۇقىقتىق سالدارعا, بانك شوتتارىنىڭ بۇعاتتالۋىنا جانە قىلمىستىق جاۋاپكەرشىلىككە اكەلۋى مۇمكىن. بۇل جەردە جاۋاپكەرشىلىك تەك اقشانى ۇرلاعان ادامعا ەمەس, قاراجات وتكەن كارتا نەمەسە شوت يەسىنە جۇكتەلەدى. ادام قاراجاتتىڭ قىلمىستىق جولمەن الىنعانىن بىلمەسە دە, ونى دالەلدەۋ وتە قيىن بولادى.
پەتروپاۆلدا 120 ملن تەڭگەنى قولدى قىلعان دروپپەرلەر سوتتالدى
2025 جىلعى 16 قىركۇيەكتەن باستاپ قازاقستاندا دروپپەرلىك ءۇشىن جەكە قىلمىستىق جاۋامكەرشىلىك ەنگىزىلدى (قر قىلمىستىق كودەكسىنىڭ 232-1-بابى). ول بويىنشا مىناداي جازا تۇرلەرى قاراستىرىلعان:
-
بانك كارتاسىن نەمەسە شوتىن ءۇشىنشى تۇلعالارعا بەرگەنى ءۇشىن – 3 جىلعا دەيىن باس بوستاندىعىنان ايىرۋ;
-
وزگەلەردىڭ مۇددەسى ءۇشىن اۋدارىمدار مەن تولەمدەر جاساعانى ءۇشىن – 5 جىلعا دەيىن باس بوستاندىعىنان ايىرۋ;
-
قىلمىستىق سحەمالاردا بوتەننىڭ بانك دەرەكتەرىن قاساقانا پايدالانعانى ءۇشىن – 7 جىلعا دەيىن باس بوستاندىعىنان ايىرۋ.
سوندىقتان «وڭاي تابىس» تۋرالى ۋادەلەرگە سىني كوزبەن قاراۋ قاجەت. مۇنداي «جۇمىس» بەدەلىڭىزگە نۇقسان كەلتىرىپ قانا قويماي, ەڭ قىمبات قۇندىلىق – بوستاندىعىڭىزدان ايىرۋى مۇمكىن.
