فوتو: depositphotos.com
Reuters اگەنتتىگىنىڭ مالىمەتىنشە, امەريكالىق Chevron كومپانياسىنىڭ ەنشىلەس كاسىپورنى – «تەڭىزشەۆرويل» ەلەكترمەن جابدىقتاۋداعى اقاۋلارعا بايلانىستى جۇمىسىن توقتاتۋعا ءماجبۇر بولعان. ءوندىرىس تاعى 7-10 كۇنگە دەيىن توقتاپ تۇرۋى مۇمكىن, بۇل كاسپي قۇبىر كونسورتسيۋمى ارقىلى مۇناي ەكسپورتىن قىسقارتۋعا اكەلەدى.
وسى جاعداي شەڭبەرىندە Brent ماركالى مۇناي فيۋچەرستەرى 98 تسەنتكە قىمباتتاپ, باررەلى 64,92 دوللارعا جەتتى. ال WTI ماركالى مۇناي باعاسى 1,11 دوللارعا ءوسىپ, باررەلى 60,55 دوللار بولدى.
ICIS كومپانياسىنىڭ ەنەرگەتيكا جونىندەگى ديرەكتورى ادجاي پارماردىڭ ايتۋىنشا, «تەڭىز» – الەمدەگى ەڭ ءىرى كەن ورىندارىنىڭ ءبىرى بولعاندىقتان ونىڭ توقتاۋى, ارينە, جەتكىزىلىمگە اسەر ەتەدى, الايدا بۇل ۋاقىتشا جاعداي.
نارىققا قىتايدان كەلگەن وڭ ەكونوميكالىق دەرەكتەر دە قولداۋ كورسەتتى. ەلدىڭ جالپى ىشكى ءونىمى ءتورتىنشى توقساندا 5%-عا ءوسىپ, ساراپشىلار بولجامىنان جوعارى ناتيجە كورسەتتى. مۇناي وڭدەۋ كولەمى 4,1%-عا, ال شيكى مۇناي ءوندىرۋ 1,5%-عا ارتتى. IG Market ساراپشىسى توني سايكاموردىڭ ايتۋىنشا, بۇل مۇنايعا دەگەن سۇرانىستى كۇشەيتىپ, باعانىڭ وسۋىنە ىقپال ەتكەن.
سونىمەن قاتار, Reuters مالىمەتىنشە, مۇناي باعاسىنا حالىقارالىق ۆاليۋتا قورىنىڭ (حۆق) الەمدىك ەكونوميكا وسىمىنە قاتىستى بولجامدارى, ديزەل وتىنى باعاسىنىڭ كوتەرىلۋى جانە دوللاردىڭ السىرەۋى دە اسەر ەتتى. دوللاردىڭ ارزانداۋى مۇنايدى وزگە ەلدەر ءۇشىن قولجەتىمدى ەتە تۇسەدى.
دەگەنمەن, ينۆەستورلار اقش تاراپىنان جاڭا باج سالىعى ەنگىزىلۋى مۇمكىن دەگەن تاۋەكەلدەردى دە باعالاپ وتىر. اقش پرەزيدەنتى دونالد ترامپ بۇعان دەيىن 1 اقپاننان باستاپ بىرقاتار ەۋروپالىق ەلدەردەن اكەلىنەتىن تاۋارلارعا 10 پايىزدىق تاريف ەنگىزىلەتىنىن, ال گرەنلانديانى اقش باقىلاۋىنا الۋ جونىندە كەلىسىمگە قول جەتكىزىلمەسە, 1 ماۋسىمنان باستاپ بۇل كورسەتكىش 25 پايىزعا دەيىن وسەتىنىن مالىمدەگەن. ادجاي پارمارانىڭ پىكىرىنشە, مۇنداي شارالار ەكونوميكالىق ءوسىمدى باياۋلاتىپ, مۇنايعا دەگەن سۇرانىستى تومەندەتۋى مۇمكىن. ەۋروپالىق كوميسسيا ىقتيمال تاريفتەردى «قاتەلىك» دەپ اتاپ, اركتيكاداعى قاۋىپسىزدىكتى قامتاماسىز ەتۋ جوسپارى دايىندالىپ جاتقانىن حابارلادى.
«قارا التىن» ارزانداسا, قازىنا ورتايماي ما؟ ۆەنەسۋەلا فاكتورىنىڭ قازاق ەكونوميكاسىنا اسەرى
بۇعان دەيىن 18 قاڭتاردا تەڭىز كەن ورنىندا تۋربينا ترانسفورماتورىنىڭ ورتەنگەنى, سونىڭ سالدارىنان كاسىپورىن اۋماعىنان 473 قىزمەتكەر ەۆاكۋاتسيالانعانى حابارلانعان بولاتىن. وسىدان كەيىن قازاقستانداعى ءىرى كەن ورىندارىندا مۇناي ءوندىرۋ ۋاقىتشا توقتاتىلدى. «قارا التىن»
