ءبىرىنشى اپتانىڭ قورىتىندىسى بويىنشا تالاپكەرلەردىڭ 60,3%-ى شەكتى بالل جينادى. بەس ءپان بويىنشا ورتاشا بالل 57 بالدى قۇرادى. ەڭ جوعارى ناتيجە – 131 بالل.
ەرەكشە ءبىلىم بەرۋ قاجەتتىلىكتەرى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا ۇبت-عا 156 تالاپكەر قاتىسقانىن ايتا كەتكەن ءجون.
تالاپكەرلەردىڭ تەست تاپسىرمالارىنىڭ مازمۇنى بويىنشا تەستىلەۋ اياقتالعاننان كەيىن 30 مينۋت ىشىندە اپەللياتسياعا بەرۋ قۇقىعى بار. تەحنيكالىق سەبەپتەر بويىنشا اپەللياتسيا تىكەلەي تەستىلەۋ كەزىندە قابىلدانادى. ناتيجەلەرى بار سەرتيفيكاتتار اپەللياتسيا قاراستىرىلعاننان كەيىن جەكە كابينەتتەردە قولجەتىمدى بولادى.
ەسكە سالا كەتەيىك, قازاقستاندا ۇلتتىق بىرىڭعاي تەستىلەۋدىڭ مازمۇنىن وزگەرتۋ جوسپارلانىپ وتىر. بۇل تۋرالى ۇكىمەتتەگى بريفينگتە جوعارى جانە جوعارى وقۋ ورنىنان كەيىنگى ءبىلىم بەرۋ كوميتەتىنىڭ توراعاسى گۇلجان جاراسوۆا مالىمدەگەن.
