سۋرەتتى تۇسىرگەن – ەرلان ومار, «ەQ»
سوڭعى جىلدارى قالادا 109 مىڭ وقۋشىعا ارنالعان 44 مەكتەپ سالىنىپ, پايدالانۋعا بەرىلگەن. ونىڭ 23-ءى مەملەكەت باسشىسىنىڭ «كەلەشەك مەكتەپتەرى» ۇلتتىق جوباسى اياسىندا بوي كوتەردى. اسىرەسە, الدىڭعى وقۋ جىلى ەرەكشە ناتيجەمەن ەستە قالدى: ءبىر جىلدا 64 مىڭ ورىنعا شاقتالعان 25 مەكتەپ اشىلدى.
بيىلعى وقۋ جىلى باستالعالى بەرى ەلوردادا تاعى 9 مەكتەپ وقۋشىلاردى قابىلدادى. ال 2026 جىلى 13 جاڭا ءبىلىم ورداسىنىڭ قۇرىلىسى جوسپارلانىپ وتىر. قالا اكىمى مەكتەپتەر سالۋ بارىسىندا تەك عيماراتتىڭ وزىنە ەمەس, اينالاسىنداعى اۋماقتى اباتتاندىرۋعا دا ايرىقشا ءمان بەرىلەتىنىن اتاپ ءوتتى.
سونىمەن قاتار 2027 جىلعا دا ناقتى دايىندىق باستالعان. قازىرگى تاڭدا 40 مىڭ ورىنعا ەسەپتەلگەن 16 مەملەكەتتىك مەكتەپ پەن 10 مىڭ ورىندىق 10 جەكەمەنشىك مەكتەپتىڭ جوبالىق قۇجاتتاماسى ازىرلەنىپ جاتىر. بۇل قادام ەلورداداعى وقۋشى سانىنىڭ وسۋىنە الدىن الا جاۋاپ بەرىپ, ءبىلىم بەرۋ ساپاسىن ارتتىرۋعا مۇمكىندىك بەرەدى.
استانا اكىمدىگىنىڭ مالىمەتىنشە, ءبىلىم بەرۋ نىساندارىنىڭ ۋاقتىلى سالىنۋى قالاداعى ءۇش اۋىسىمدى جانە ورىن تاپشىلىعى بار مەكتەپتەر ماسەلەسىن كەزەڭ-كەزەڭىمەن شەشۋگە جول اشادى.
