فوتو: اۋىل شارۋاشىلىعى مينيسترلىگى
بىرلەستىك قۇرامىنا رەسپۋبليكالىق سالالىق پالاتالار, ءىرى اۋىل شارۋاشىلىعى تاۋار وندىرۋشىلەرى, بورداقىلاۋ الاڭدارى, اسىل تۇقىمدى شارۋاشىلىقتار, ەت وڭدەۋ كاسىپورىندارى, سونداي-اق وندىرىستىك تىزبەكتىڭ ءارتۇرلى كەزەڭدەرىندە – وسىرۋدەن باستاپ وڭدەۋ مەن وتكىزۋگە دەيىن قىزمەت اتقاراتىن فەرمەرلىك قوجالىقتار ەنىپ وتىر.
قازاقستان مال وسىرۋشىلەر وداعىنىڭ ديرەكتورى داۋرەن سالىقوۆتىڭ ايتۋىنشا, وداق قۇرۋ تۋرالى شەشىم كاسىبي قاۋىمداستىقتىڭ سالا ىشىندەگى ءوزارا ءىس-قيمىلدى جۇيەلەۋ جانە مال شارۋاشىلىعىن دامىتۋدىڭ نەگىزگى ماسەلەلەرى بويىنشا بىرلەسكەن ۇستانىم قالىپتاستىرۋ قاجەتتىلىگىنە جاۋاپ رەتىندە قابىلدانعان.
«وداق قىزمەتىنىڭ باسىم باعىتتارىنىڭ ءبىرى – شاعىن جانە ورتا فەرمەرلىك شارۋاشىلىقتاردى قولداۋ. جاڭا الاڭ فەرمەرلەرگە مەملەكەتتىك قولداۋ شارالارىنا, قارجىلاندىرۋعا, سالالىق ساراپتاماعا جانە وتكىزۋ نارىقتارىنا قولجەتىمدىلىكتى كەڭەيتۋگە, سونداي-اق نارىقتىڭ ءىرى قاتىسۋشىلارىمەن ءوزارا ءىس-قيمىلدى جانە كووپەراتسيانى دامىتۋدى جەڭىلدەتۋگە مۇمكىندىك بەرەدى», دەدى داۋرەن سالىقوۆ.
مال شارۋاشىلىعى ونىمدەرىنىڭ ساپاسىن ءجىتى باقىلاۋ قاجەت – بيبىگۇل جەكسەنباي
جالپى العاندا, وداقتىڭ قىزمەتى سالانىڭ پراكتيكالىق مىندەتتەرىن شەشۋگە باعىتتالعان: مال شارۋاشىلىعى ونىمدەرىنىڭ ونىمدىلىگى مەن ساپاسىن ارتتىرۋ, شارۋاشىلىقتاردىڭ ەكونوميكالىق تۇراقتىلىعىن نىعايتۋ, قايتا وڭدەۋ مەن ەكسپورتتىق باعىتتاردى دامىتۋ.
اتالعان بىرلەستىكتىڭ جۇمىسى مال شارۋاشىلىعىنىڭ ۇيلەسىمدى دامۋىنا ىقپال ەتىپ, وتاندىق وندىرۋشىلەردىڭ ىشكى جانە سىرتقى نارىقتارداعى پوزيتسياسىن نىعايتادى دەپ كۇتىلىپ وتىر.
قاسىم-جومارت توقاەۆ: مال شارۋاشىلىعىنىڭ الەۋەتىن بارىنشا پايدالانۋ قاجەت
