بۇل وقيعا بىلتىر كۇزدە قوعام نازارىن اۋدارتقان ەدى. رەيدتىك ءىس شارا كەزىندە پوليتسيا قىزمەتكەرلەرى ونىڭ كولىگىن توقتاتقان. سول كەزدە سوت وكىلدەرى ءوز قىزمەتكەرىنىڭ ارەكەتىنە قۇقىقتىق باعا بەرىلەتىنىن مالىمدەگەن بولاتىن. اراعا ۋاقىت سالىپ, ناقتى شەشىم بەلگىلى بولدى.
سوت شەشىمىمەن سۋدياعا 200 ايلىق ەسەپتىك كورسەتكىش كولەمىندە ايىپپۇل سالىندى. بۇل 786 400 تەڭگەنى قۇرايدى. ەلوردالىق سوتتىڭ ءباسپاسوز قىزمەتى اكىمشىلىك قاماۋ قولدانىلماعانىن ءتۇسىندىردى. سەبەبى ول كامەلەت جاسىنا تولماعان بالانى تاربيەلەپ وتىر.
«اتالعان ءىس بويىنشا سوت بارلىق ءمان جايدى ەسكەردى. قۇقىق بۇزۋشىلىق فاكتىسى تولىق دالەلدەندى. سونىمەن قاتار سوت جازا تاعايىنداۋ كەزىندە بالانىڭ كامەلەت جاسىنا تولماعانىن نازارعا الدى. وسى سەبەپتى اكىمشىلىك قاماۋ ەمەس, ايىپپۇل تۇرىندەگى جازا قولدانىلدى. بۇل شەشىم قولدانىستاعى زاڭ تالاپتارىنا تولىق سايكەس كەلەدى», دەلىنگەن سوت تۇسىندىرمەسىندە.
ايتا كەتۋ كەرەك, سوت قاۋلىسى ازىرگە زاڭدى كۇشىنە ەنگەن جوق. سوعان قاراماستان, داۋعا قالعان سۋديانىڭ وكىلەتتىگى وتكەن جىلى اق توقتاتىلعانى بەلگىلى بولدى.
