فوتو: جوعارى سوت كەڭەسى
سوت نە انىقتادى؟
اتالعان اۋدانارالىق سوتتىڭ مالىمەتىنشە 2025 جىلعى 22 ماۋسىمدا ساعات 00:00 شاماسىندا ج. الكوگولدىك ماساڭ كۇيدە بولا وتىرىپ, جابىرلەنۋشى د.-نى ءۇي اۋلاسىنان قاقپا سىرتىنا شىعارىپ, ونىڭ ومىرلىك ماڭىزدى مۇشەلەرىنە بىرنەشە رەت سوققى جاساعان. الىنعان جاراقاتتاردىڭ سالدارىنان جابىرلەنۋشى كەيىننەن اۋرۋحانادا قايتىس بولعان.
سوتتالۋشىنىڭ كىناسى ساراپتامالار قورىتىندىلارىمەن, كۋالاردىڭ ايعاقتارىمەن, تەرگەۋ ارەكەتتەرىنىڭ حاتتامالارىمەن جانە ءىس ماتەريالدارىنداعى وزگە دە دالەلدەمەلەرمەن تولىق دالەلدەندى.
سوت قانداي جازا تاعايىندادى؟
قىلمىستىق-پروتسەستىك كودەكستىڭ 340-بابىنىڭ 1-بولىگىنە سايكەس, باستى سوت تالقىلاۋى ج.-عا تاعىلعان ايىپتاۋ شەگىندە جۇرگىزىلدى.
قك-ءنىڭ 99-بابىنىڭ 1-بولىگىنىڭ سانكتسياسى 8 جىلدان 15 جىلعا دەيىنگى مەرزىمگە باس بوستاندىعىنان ايىرۋ جازاسىن كوزدەيدى.
ج. بۇرىن سوتتى بولماعان, كىناسىن ءىشىنارا مويىندادى.
الايدا ءىس بويىنشا قىلمىستى الكوگولدىك ماساڭ كۇيدە جاساۋ تۇرىندەگى اۋىرلاتاتىن ءمان-جايدىڭ انىقتالۋىنا بايلانىستى, سوت ج.-نى كىنالى دەپ تانىپ, وعان سانكتسيانىڭ ەڭ جوعارى شەگىنە جاقىن جازا – ورتاشا قاۋىپسىزدىك دەڭگەيىندەگى قىلمىستىق-اتقارۋ جۇيەسى مەكەمەسىندە جازاسىن وتەۋمەن 14 جىل مەرزىمگە باس بوستاندىعىنان ايىرۋ تۇرىندەگى جازا تاعايىندادى.
ۇكىم زاڭدى كۇشىنە ەنگەن جوق.
