ماسەلە جىلجىمايتىن م ۇلىكتى ساتۋ كەزىندە سالىق تولەۋ, وڭايلاتىلعان دەكلاراتسيانى قولدانۋ جانە قوسىلعان قۇن سالىعى (ققس) بويىنشا مىندەتتى تىركەۋگە قاتىستى.
پاتەر ساتۋ: قاي كەزدە سالىق تولەنبەيدى؟
ماڭعىستاۋلىقتاردى 2025 جىلى ساتىپ الىنعان پاتەردى 2026 جىلى ساتقان جاعدايدا سالىق مىندەتتەمەسى تۋىنداي ما دەگەن سۇراق الاڭداتىپ وتىر.
دەپارتامەنت مالىمەتىنشە, ەگەر جىلجىمايتىن م ۇلىك 2025 جىلى ساتىپ الىنىپ, سول جىلى مەملەكەتتىك تىركەۋدەن وتكەن بولسا جانە ول مەملەكەتتىك تىركەلگەن كۇننەن باستاپ ءبىر جىلدان كەيىن نەمەسە ودان دا كەش ساتىلسا, قۇن وسىمىنەن تابىس تۋىندامايدى. دەمەك, بۇل جاعدايدا سالىق تولەۋ تالاپ ەتىلمەيدى.
الايدا زاڭناماداعى وزگەرىستەرگە سايكەس, 2026 جىلعى 1 قاڭتاردان كەيىن تىركەلگەن جىلجىمايتىن م ۇلىك نىساندارىنا يەلىك ەتۋ مەرزىمى ەكى جىل بولىپ ەسەپتەلەدى.
وڭايلاتىلعان دەكلاراتسيانى قولدانۋعا بولا ما؟
مەملەكەتتىك كىرىستەر دەپارتامەنتى وڭايلاتىلعان دەكلاراتسيانى قازاقستان رەسپۋبليكاسىنىڭ رەزيدەنتى بولىپ تابىلاتىن جەكە كاسىپكەرلەر مەن زاڭدى تۇلعالار قولدانا الاتىنىن ەسكە سالدى. بۇل ءۇشىن ولاردىڭ قىزمەت ءتۇرى تىيىم سالىنعان قىزمەتتەر تىزىمىنە كىرمەۋى ءتيىس.
اتالعان ءتىزىم ۇكىمەتتىڭ 2025 جىلعى 14 قاراشاداعى №970 قاۋلىسىمەن بەكىتىلگەن. ەگەر كاسىپكەردىڭ ەكونوميكالىق قىزمەت تۇرلەرىنىڭ جالپى جىكتەۋىشى (ەقجج) وسى تىزىمدە بولماسا جانە وزگە تالاپتار ساقتالسا, وڭايلاتىلعان سالىق رەجيمىن قولدانۋعا رۇقسات ەتىلەدى.
2026 جىلى ققس بويىنشا مىندەتتى تىركەۋ شەگى
2026 جىلى قوسىلعان قۇن سالىعى بويىنشا مىندەتتى تىركەۋگە تۇرۋ شەگى 10 000 ايلىق ەسەپتىك كورسەتكىشتى قۇرايدى. بۇل 43 250 000 تەڭگەگە تەڭ.
اتالعان سومادان اسقان جاعدايدا سالىق تولەۋشى ققس بويىنشا ەسەپكە تۇرۋعا مىندەتتى.
ۆەدومستۆو وكىلدەرى سالىق زاڭناماسىنداعى وزگەرىستەرگە ەرەكشە نازار اۋدارۋعا شاقىرىپ, ازاماتتار مەن كاسىپكەرلەرگە تۇسىنىكسىز تۇستاردى الدىن الا ناقتىلاپ الۋعا كەڭەس بەردى. بۇل زاڭبۇزۋشىلىقتار مەن ايىپپۇلداردىڭ الدىن الۋعا مۇمكىندىك بەرەدى.
