«قازگيدرومەت» رمك ماماندارىنىڭ مالىمەتىنشە, الداعى كۇندەرى قازاقستان اۋماعى ارقىلى جەرورتا تەڭىزى جاقتان كەلگەن جاڭا تسيكلون وتەدى. وسىعان بايلانىستى رەسپۋبليكا بويىنشا قار, بوران, جاڭبىر مەن قار ارالاس جاۋىن-شاشىن, سونداي-اق كوكتايعاق پەن تۇمان كۇتىلەدى.
سينوپتيكتەردىڭ بولجامىنشا, سولتۇستىك-باتىستا 3 قاڭتار كۇنى قاتتى قار جاۋادى, ال 5 قاڭتاردا وڭتۇستىك-شىعىستا جاۋىن-شاشىن كۇشەيەدى. كەي وڭىرلەردە جەل ەكپىنى ارتىپ, اۋا رايى قولايسىز بولادى.
بولجامعا سايكەس, ەلدىڭ كوپ بولىگىندە قار مەن بوران, باتىس, وڭتۇستىك جانە وڭتۇستىك-شىعىستا جاڭبىر مەن قار ارالاس جاۋىن-شاشىن جاۋادى.
سونداي-اق رەسپۋبليكا بويىنشا كوكتايعاق, تۇمان جانە جەلدىڭ كۇشەيۋى بولجانىپ وتىر.
سينوپتيكتەر اۋا تەمپەراتۋراسىنىڭ بىرقاتار وڭىردە وزگەرەتىنىن اتاپ ءوتتى.
تەمپەراتۋرا باتىستا كوتەرىلۋى مۇمكىن: باتىس وڭىرلەردە تۇندە 0…–8°C, كۇندىز –2…+5°C.
تەمپەراتۋرانىڭ تومەندەۋى بولجانادى:
– ورتالىقتا تۇندە –10…–18°C, كۇندىز –5…–12°C;
– وڭتۇستىكتە تۇندە 0…–10°C, كۇندىز –6…+2°C;
– وڭتۇستىك-شىعىستا تۇندە 0…–5°C, تاۋلى ايماقتاردا –8…–13°C, كۇندىز –2…+3°C, تاۋدا –5…–10°C.
ال شىعىس وڭىرلەردە تۇنگى ۋاقىتتا اۋا تەمپەراتۋراسى –5…–13°C-قا دەيىن كوتەرىلىپ, كۇندىز –10°C-قا دەيىن تومەندەيدى.
«قازگيدرومەت» وكىلدەرى تۇرعىنداردى اۋا رايىنىڭ كۇرت وزگەرۋىنە بايلانىستى جولعا شىققاندا ساق بولۋعا, اسىرەسە كوكتايعاق پەن بوران كەزىندە قاۋىپسىزدىك شارالارىن قاتاڭ ساقتاۋعا شاقىرادى.
