الماتىنىڭ ەڭ سۇلۋ سۋبۇرقاعى

قازاقستان رەسپۋبليكاسىنىڭ تۇڭعىش پرەزيدەنتى اتىنداعى ساياباقتا ورىن تەپتى اتالمىش ساياباق – وڭتۇستىك استاناداعى تابيعاتتىڭ بارلىق عاجابى مەن ءححى عاسىردىڭ عىلىم جەتىستىكتەرىن جيناعان تاماشا دەندروپارك. الاتاۋدىڭ ەتەگىن ەندەپ جاتقان دەندروپارك وسىدان بىرنەشە جىل بۇرىن ەلباسىنىڭ باستاماسىمەن بوي كوتەرگەن بولا­تىن. ەلباسى سول كەزدە الماتىنىڭ ەڭ اسەم بولىگى ۇستاعاننىڭ قو­لىندا, تىستەگەننىڭ اۋزىندا كەتپەي, قالا تۇرعىندارىنىڭ ورتاق يگىلىگىنە بەرۋ ءۇشىن وسى ساياباقتا ءوز قولىمەن العاشقى كوشەتتەردى وتىرعىزعان ەدى. ەندى, مىنە, بۇگىندە بۇل ساياباق كۇن سايىن كوركەيىپ, الەمنىڭ ءار تۇكپىرىنەن اكەلىنگەن تاماشا كوشەتتەر جاپىراعىن جاي­ىپ, الماتىلىقتاردىڭ ەڭ سۇيىكتى دەم­الىس ورنىنا اينالعان. دەندروپاركتى وزگە ساياباق­تار­دان دارالايتىن تۇستارى كوپ-اق. مۇندا ۋ-شۋ اتتراكتسيوندار, باسقا دا ويىن-ساۋىق دۋمان جوق. تاۋ بوكتەرىندەگى مۇلگىگەن تىنىشتىق پەن تابيعاتتىڭ توسىن سۇلۋلىعىن سۇيەتىندەر وسى ارادا سەرۋەندەيدى. سان الۋان گۇلدەر مەن اسەم دا­راق­تاردىڭ وزىندىك كورمەسى سەكىلدى دەن­دروپاركتە جۋىردا جەتى سۋبۇر­قاق­تىڭ ەڭ باستىسى سالتاناتتى جاعدايدا كوككە شاپشىدى. ياعني, الماتىداعى ەڭ ۇلكەن ساياباق ەڭ سۇلۋ سۋبۇرقاقپەن تولىقتى. 19,5 مەترگە اتقىلايتىن سۋ تامشىلارى شام جارقىلىمەن تۇنگى مەزگىلدە ءتىپتى اسەم. سۋبۇرقاقتىڭ ديامەترى – 52 مەتر. ەگەر بۇگىندە قالادا 120 شاقتى سۋبۇرقاق بولسا, ونىڭ 18-ءى قايتا جوندەلگەن. ال تۇڭعىش پرەزيدەنت اتىنداعى ساياباقتاعى ەڭ باستى سۋبۇرقاق مۋزىكا اۋەنىمەن, ءتۇرلى-ءتۇستى شامدارمەن  كومكەرىلگەن. سۋبۇرقاقتىڭ سالتاناتتى ىسكە قو­سىلۋىنا كەلگەن قالا اكىمى اح­مەت­جان ەسىموۆ اتالمىش پاركتى زا­ما­ناعا ساي اباتتاندىرۋ ءۇشىن جۇ­مىس جالعاسا بەرەتىندىگىن, ونى جۇ­ماق­تىڭ ءبىر پۇشپاعىنداي ەتۋدە سايا­باقتىڭ وڭتۇستىك بولىگىندە جا­سان­دى توعان, اينالاسىندا بيىكتىگى 24 مەتر بولاتىن كىشىگىرىم قىرات جا­ساۋ جوبالانعانىن اتادى. كەلە­شەك­تە 73 گەكتاردى الىپ جاتقان سايا­باقتىڭ ورتاڭعى بولىگىندە تا­نىمدىق سيپاتتاعى نىساندار بوي كوتەرۋى ءتيىس. ونىڭ ىشىندەگى كلي­ما­ترونداردا – جابىق  ورىنداردا جەر شارى­نىڭ وڭتۇستىك جانە سول­تۇستىك ءبولى­گىندەگى تابيعي فلورا كەلۋشىلەردىڭ نازارىنا ۇسىنىلاتىن بولادى. ايناش ەسالي, الماتى. سۋرەتتى تۇسىرگەن بەرسىنبەك سارسەنوۆ.