فوتو: istockphoto.com
سينوپتيكتەردىڭ قىسقا مەرزىمدى مالىمەتىنە سۇيەنسەك, 30-31 جەلتوقساندا اقمولا, پاۆلودار, قاراعاندى جانە ۇلىتاۋ وبلىستارىندا جاڭبىر مەن قار جاۋى ىقتيمال. ەلدىڭ وڭتۇستىگىندە نەگىزىنەن جاڭبىر جاۋادى دەپ كۇتىلەدى. سونىمەن قاتار رەسپۋبليكانىڭ بارلىق اۋماعىندا تۇمان ءتۇسىپ, كوكتايعاق بولادى جانە ەكپىندى جەل سوعادى.
تەمپەراتۋرالىق كورسەتكىشتەر تومەندەگىدەي وزگەرەدى:
- سولتۇستىك پەن ورتالىقتا 30 جەلتوقساندا: –2...+3 گرادۋس جىلى;
- شىعىستا 30-31 جەلتوقسان كۇندەرى: –2...+3 گرادۋس جىلى;
- وڭتۇستىك ايماقتاردا: +5...+15 گرادۋس جىلى.
قازىرگى ۋاقىتتا اۋا رايىنىڭ قولايسىزدىعىنا بايلانىستى جەتىسۋ وبلىسىنداعى ء«ۇشارال – دوستىق» اۆتوجولىنىڭ ءبىر بولىگى (84 – 164 شاقىرىم ارالىعى) كولىك قوزعالىسى ءۇشىن جابىق ەكەنىن ەسكەرۋ قاجەت.
مامانداردىڭ پايىمداۋىنشا, 2026 جىلى كوكتەم ەرتە باستالادى. ناۋرىز ايىندا ەلىمىزدىڭ بارلىق وڭىرىندە اۋا تەمپەراتۋراسى كليماتتىق نورمادان 1°س-قا جوعارى بولادى دەپ بولجانىپ وتىر.
