مامانداردىڭ تۋىستارىمەن جۇرگىزىلگەن پروفيلاكتيكالىق جانە ءتۇسىندىرۋ جۇمىستارىنىڭ بارىسىندا قىزدىڭ اجەسى مەن اكەسى بالانى ءوز قامقورلىعىنا الىپ, وتباسىندا تاربيەلەۋگە نيەتتى ەكەندەرىن ءبىلدىردى.
«كىشكەنتاي وتانداسىمىزدى ەلگە قايتارۋ ءۇشىن سىرتقى ىستەر مينيسترلىگىمەن بىرلەسە وتىرىپ اۋقىمدى جۇمىس اتقارىلدى. ءبىز ءسابيدىڭ جاقىن تۋىستارىن انىقتاپ, ونى قازاقستانعا قايتارۋ تۋرالى شەشىمگە قول جەتكىزدىك. قازىرگى ۋاقىتتا ءبۇلدىرشىن ءوز ۇيىندە, تۋعاندارىنىڭ جانىندا», دەپ اتاپ ءوتتى وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ توراعاسى ناسىمجان وسپانوۆا.
ول اتالعان جاعدايدا شۇعىل ارەكەت ەتۋدى تالاپ ەتتى. سەبەبى باستاپقىدا ۇلىبريتانيانىڭ قۇزىرلى ورگاندارى ءسابيدى سول جاقتاعى بوتەن وتباسىعا اسىراپ الۋعا بەرۋ ماسەلەسىن قاراستىرىپ جاتقان بولاتىن. قازاقستاندىق تاراپ بالانىڭ ازاماتتىعىن ساقتاپ, تۋىستارىنان اجىراپ قالماۋىن قامتاماسىز ەتتى. سونداي-اق ەلگە قايتارۋ شارالارى اياسىندا بالاعا قازاقستاندىق ۇلگىدەگى تۋ تۋرالى كۋالىك راسىمدەلدى.
