فوتو: egemen.kz/ ەرلان ومار
ۇلتتىق ستاتيستيكا بيۋروسىنىڭ مالىمەتىنشە, اتالعان توقساندا جان باسىنا شاققانداعى جالپى تابىس 364,5 مىڭ تەڭگەنى نەمەسە ايىنا 121,5 مىڭ تەڭگەنى قۇراعان. ءال بىر قازاقستاندىقتىڭ ورتاشا شىعىنى توقسانىنا 224 500 تەڭگە نەمەسە ايىنا 108 100 تەڭگە بولعان.
توقساندىق شىعىننىڭ جارتىسىنان استامى – 169 800 تەڭگە ازىق-ت ۇلىككە جۇمسالعان. ونىڭ ىشىندە ەتكە – 54 800 تەڭگە, جەمىس-جيدەككە – 26 300 تەڭگە, نان مەن جارما ونىمدەرىنە – 22 500 تەڭگە شىعىنداعان.
lsm.kz كەلتىرگەن دەرەك بويىنشا, ەلدىڭ ءبىر تۇرعىنى ءۇش ايدا ورتاشا ەسەپپەن ازىق-ت ۇلىك ەمەس تاۋارلارعا 69 100 تەڭگە جۇمسايدى. ونىڭ باسىم بولىگى كيىم مەن اياق كيىمگە (21 900 تەڭگە), جيھاز بەن تۇرمىستىق تەحنيكاعا (12 500 تەڭگە), ءدارى-دارمەككە (4 400 تەڭگە) تيەسىلى ەكەن.
قازاقستاندىقتار توقسان سايىن اقىلى قىزمەتكە 58 000 تەڭگە ارنايدى, ونىڭ 14 800 تەڭگەسى كوممۋنالدىق قىزمەتكە, 10 900 تەڭگەسى بايلانىسقا (ۇيالى جانە ينتەرنەت), 8 100 تەڭگەسى كولىككە كەتكەن.
ال نەسيە مەن قارىزدى جابۋ ءۇشىن ءبىر ادام توقسانىنا ورتا ەسەپپەن 21 000 تەڭگە جۇمساعان.
نەسيە مەن قارىز ءۇشىن قارجىسىن كوپ شىعىندايتىن وڭىرلەر ىشىندە ۇلىتاۋ (67 400 تەڭگە), قاراعاندى وبلىستارى (50 200 تەڭگە), استانا قالاسى (38 200 تەڭگە) بار.
ال نەسيەگە ەڭ از سومانى الماتى (8300 تەڭگە), ماڭعىستاۋ وبلىسى (6300 تەڭگە), جامبىل وبلىسى (6100 تەڭگە), شىمكەنت (3500 تەڭگە) تۇرعىندارى جۇمساعان.
سونداي-اق قازاقستاندىقتار توقسان سايىن – 477 مىڭ تەڭگە سالىق, 6 مىڭ تەڭگە كولەمىندە اليمەنت وتەيدى.
