فوتو: ۇكىمەتتىڭ ءباسپاسوز قىزمەتى
ءمينيستردىڭ ايتۋىنشا, 2024-2029 جىلدارعا ارنالعان «تازا قازاقستان» تۇجىرىمداماسى ەلىمىزدەگى ەكولوگيالىق قوزعالىسقا تىڭ سەرپىن بەردى. بيىلعى جىلى رەسپۋبليكا دەڭگەيىندە 1 250 ءىس-شارا ۇيىمداستىرىلىپ, وعان 6,4 ميلليونعا جۋىق ادام اتسالىسقان. ناتيجەسىندە 795 مىڭ توننا قالدىق شىعارىلىپ, 2,8 ميلليون ءتۇپ اعاش وتىرعىزىلدى.
«ازاماتتاردى تارتۋ ماقساتىندا @TazaQazBot چات-بوتى ىسكە قوسىلدى. 25 مىڭ ءوتىنىش كەلىپ ءتۇستى, ونىڭ 23,6 مىڭى ورىندالدى, بۇل ونىڭ كەرى بايلانىس قۇرالى رەتىندەگى تيىمدىلىگىن راستادى. بۇل تۇرعىنداردىڭ سۇرانىستارىنا جەدەل دەن قويۋعا مۇمكىندىك بەرەدى», دەدى ەرلان نىسانباەۆ.
سونىمەن قاتار 2026 جىلى ەلىمىزدە ورتالىق ازيا ەلدەرىنىڭ وڭىرلىك ەكولوگيالىق ءسامميتى وتەدى دەپ جوسپارلانعان. بۇل جيىن ايماقتاعى كليماتتىق جانە ەكولوگيالىق سىن-قاتەرلەرگە قارسى بىرلەسكەن شەشىمدەر ازىرلەۋگە مۇمكىندىك بەرەدى.
