فوتو: اقوردا
قۇرمەت قاراۋىلى ساپ تۇزەپ, قوس ەلدىڭ مەملەكەتتىك ءانۇراندارى شىرقالدى. قۇرمەت قاراۋىلىنىڭ باستىعى راپورت بەرگەننەن كەيىن قاسىم-جومارت توقاەۆ پەن ساناە تاكايچي ءبىر-بىرىنە رەسمي دەلەگاتسيا مۇشەلەرىن تانىستىردى.
ەسكە سالايىق, پرەزيدەنت جاپونيا يمپەراتورىنىڭ سارايىنا باردى. قاسىم-جومارت توقاەۆتىڭ جاپونياعا العاشقى رەسمي ساپارى يمپەراتور نارۋحيتومەن كەزدەسۋدەن باستالدى. پرەزيدەنت قوناقجايلىق تانىتقانى ءۇشىن جاپونيا يمپەراتورىنا ريزاشىلىعىن ءبىلدىردى.
سونداي-اق پرەزيدەنت قاسىم-جومارت توقاەۆ قازىرگى ۋاقىتتا جاپونيادا ءبىلىم الىپ, ءتۇرلى سالادا قىزمەت ەتىپ جۇرگەن قازاقستان ازاماتتارىمەن كەزدەستى.
