ءوندىرىستىڭ اشىلۋ سالتاناتىنا سولتۇستىك قازاقستان وبلىسى مەن تايىنشا اۋدانىنىڭ وكىلدەرى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ عالىمدارى, ءوڭىردىڭ اۋىل شارۋاشىلىعى كاسىپورىندارىنىڭ باسشىلارى, جوبا ينۆەستورلارى, سونداي-اق ءبىلىم جانە عىلىم سالاسىنىڭ ماماندارى قاتىستى.
تايىنشادا ىسكە قوسىلعان ءوندىرىس – جەمشوپكە جارامسىز ساباننان ەكوپانەلدەر مەن پرەستەلگەن قۇرىلىس پليتالارىن شىعاراتىن تاجىريبەلىك-ونەركاسىپتىك جەلى. بۇل – ينجينيرينگتىك ورتالىق قۇرۋعا ارنالعان مەگاگرانت اياسىندا ەۇۋ عالىمدارى ازىرلەگەن عىلىمدى قاجەتسىنەتىن تەحنولوگيا. وندىرىستىك جەلىدە قۇرىلىس پەن جىلۋ وقشاۋلاۋعا ارنالعان ەكولوگيالىق پليتالاردىڭ العاشقى پارتيالارى شىعارىلادى. جوبا جەرگىلىكتى شيكىزاتتى – جەمشوپكە جارامسىز ساباندى – سۇرانىسقا يە قۇرىلىس ماتەريالدارىنا اينالدىرۋعا مۇمكىندىك بەرەدى.
KZ.ECO desk ساۋدا بەلگىسىمەن شىعارىلاتىن ونىمدەردىڭ بەرىكتىگى مەن ىلعالعا جانە وتقا توزىمدىلىك كورسەتكىشتەرى اككرەديتتەلگەن زەرتحانالاردا راستالعان. ءونىم باعاسى ساپاسى جوعارى دەڭگەيدە ساقتالا وتىرىپ, ۇقساس ماتەريالداردان (دسپ, OSB) 1,5–2 ەسە ارزان. ازىرلەمە قازاقستاندا («قازپاتەنت») پاتەنتتەلگەن جانە رست حالىقارالىق پاتەنتتەۋ جۇيەسىمەن ماقۇلدانعان.
قازاقستاندا اعاش-جوڭقالى پليتالار وندىرەتىن كاسىپورىندار بولعانىمەن, نەگىزگى شيكىزات – اعاش ءالى كۇنگە دەيىن يمپورتتالادى. ال KZ.ECO desk ەكوپليتالارى تەك اگرارلىق قالدىقتاردان وندىرىلەدى. بۇل شيكىزات يمپورتىنا تاۋەلدىلىكتى ازايتىپ قانا قويماي, ءونىمنىڭ وزىندىك قۇنىن تومەندەتۋگە, جەرگىلىكتى اگروونەركاسىپتىك جانە وندىرىستىك الەۋەتتى, سونداي-اق عىلىمي ازىرلەمەلەردى كوممەرتسيالاندىرۋعا باعىتتالعان عىلىمدى قاجەتسىنەتىن وندىرىستەردى دامىتۋعا سەرپىن بەرەدى.
زەرتحانالىق سىناقتار ناتيجەسىندە عالىمدار تاجىريبەلىك ۇلگىلەردى جاساپ شىعاردى. ونىمگە دەگەن قىزىعۋشىلىق حالىقارالىق كورمەلەرگە شاقىرۋلارمەن جانە ينۆەستورلار ۇسىنىستارىمەن راستالدى.
ءوندىرىستىڭ تايىنشادا ورنالاسۋ سەبەبى – وڭىردە سابان قالدىقتارىنىڭ مول شوعىرلانۋى. سونىمەن قاتار اۋدان تەمىرجول جەلىلەرىن قوسا العاندا, دامىعان لوگيستيكالىق ينفراقۇرىلىمعا يە, بۇل دايىن ءونىمدى تاراتۋدى جەڭىلدەتەدى.
جوبا ينۆەستورلاردىڭ قولداۋىمەن جانە جەرگىلىكتى اتقارۋشى ورگاندارمەن بىرلەسىپ, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ قۇرىلىس-تەحنيكالىق ينجينيرينگ ورتالىعى تاراپىنان جۇزەگە اسىرىلۋدا. بۇل ءوندىرىستى كەشەندى دامىتۋعا جانە ونى ءوڭىر ەكونوميكاسىنا ءتيىمدى ينتەگراتسيالاۋعا مۇمكىندىك بەرەدى.
«بۇل جوبا ۋنيۆەرسيتەت عىلىمىنىڭ وڭىرلىك ەكونوميكانى دامىتۋعا ناقتى ۇلەس قوساتىن, سۇرانىسقا يە تەحنولوگيالار جاساي الاتىنىن دالەلدەيدى. ول قازاقستاندىق ءونىمنىڭ ىشكى جانە سىرتقى نارىقتاعى باسەكەگە قابىلەتتىلىگىن ارتتىرادى. ۋنيۆەرسيتەتتىڭ ءرولىن تەك ءبىلىم مەن عىلىم ورتالىعى رەتىندە عانا ەمەس, زەرتتەۋلەردى ناقتى وندىرىستىك شەشىمدەرگە اينالدىرا الاتىن يننوۆاتسيا ورتالىعى رەتىندە كوتەرەدى.سونىمەن قاتار جوبا مەملەكەت باسشىسى قاسىم-جومارت توقاەۆتىڭ «عىلىمنان بيزنەسكە دەيىنگى» تەحنولوگيالىق ءدالىز قۇرۋ, عىلىمي ازىرلەمەلەردى كوممەرتسيالاندىرۋ جانە وتاندىق ماتەريالدار مەن تەحنولوگيالار نەگىزىندە ەكسپورتقا باعىتتالعان وندىرىستەردى قالىپتاستىرۋ جونىندەگى ستراتەگيالىق باستامالارىنا تولىق سايكەس كەلەدى», دەپ اتاپ ءوتتى ەۇۋ رەكتورى ەرلان سىدىقوۆ.
ءوندىرىستىڭ اشىلۋى وبلىستىڭ ەكونوميكالىق ءوسۋ درايۆەرىنە اينالادى. جوبا جاڭا جۇمىس ورىندارىن قۇرىپ, تايىنشا ءوڭىرىنىڭ يندۋستريالانۋىن كۇشەيتىپ, قوسىمشا ينۆەستيتسيالار تارتۋ ارقىلى ەكونوميكالىق ءوسۋدىڭ جاڭا نۇكتەلەرىن قالىپتاستىرادى.
«بۇل جوبا زاماناۋي تەحنولوگيالاردى ەنگىزۋ مەن اۋىل شارۋاشىلىعى رەسۋرستارىن ءتيىمدى پايدالانۋدى بىرىكتىرەدى. بۇل – عىلىم مەن ءوندىرىستىڭ تابىستى ىنتىماقتاستىعىنىڭ ايقىن ۇلگىسى. زاۋىت اۋدان ءۇشىن يننوۆاتسيالىق ءوندىرىستىڭ ەتالونىنا جانە ءوسۋ نۇكتەسىنە اينالاتىنىنا سەنىمدىمىن», دەدى سولتۇستىك قازاقستان وبلىسى اكىمىنىڭ ورىنباسارى قانات دۇزەلباەۆ.
تايىنشا اۋدانىنىڭ اكىمى بەرىك ءالجانوۆ عىلىمي ازىرلەمەلەردى وندىرىستىك ۇدەرىستەرگە ەنگىزۋدىڭ ماڭىزدىلىعىنا توقتالدى:
«عىلىمي ازىرلەمەلەردى وندىرىسكە ەنگىزۋ ستراتەگيالىق مانگە يە, سەبەبى ول زاماناۋي تەحنولوگيالار, اۆتوماتتاندىرۋ جانە شىعىنداردى وڭتايلاندىرۋ ارقىلى ءوندىرىس تيىمدىلىگىن ارتتىرادى. سونىمەن قاتار كاسىپورىنداردىڭ باسەكەگە قابىلەتتىلىگىن كۇشەيتىپ, جوعارى ساپالى ءارى وزىندىك قۇنى تومەن ءونىم شىعارۋعا مۇمكىندىك بەرەدى», دەدى ول.
ءوندىرىستى ىسكە قوسۋ بارىسىندا قول جەتكىزىلگەن كەلىسىمدەردىڭ جالعاسى رەتىندە ەۇۋ مەن تايىنشا اۋدانى اكىمدىگى ستراتەگيالىق ىنتىماقتاستىق تۋرالى مەموراندۋمعا قول قويدى.
جوبا جەتەكشىسى, PhD, ل.ن. گۋميلەۆ اتىنداعى ەۇۋ-دىڭ قاۋىمداستىرىلعان پروفەسسورى اسەل جەكسەمباەۆا KZ.ECO desk عىلىمدى قاجەتسىنەتىن قۇرىلىس ونىمدەرىن شىعارۋ – ەلىمىزدە بالاماسى جوق, وسىنداي باعىتتاعى العاشقى جانە جالعىز ونەركاسىپتىك نىسان ەكەنىن باسا ايتتى. بۇل – ەۋرازيا ۇلتتىق ۋنيۆەرسيتەتىنىڭ عىلىمي ازىرلەمەسىن كوممەرتسيالاندىرۋدىڭ باستاماسى. جاس عالىم جاسالعان كەلىسىمشارتتار ونىمگە دەگەن جوعارى نارىقتىق سۇرانىستى دالەلدەيتىنىن, ونىڭ ەكولوگيالىق, ۇنەمدى ءارى يمپورتتى الماستىراتىن بالاما ەكەنىن اتاپ ءوتتى.
«بۇل جوبا زەرتحانالىق زەرتتەۋلەردەن باستاپ تاجىريبەلىك-ونەركاسىپتىك ءوندىرىستى ىسكە قوسۋعا دەيىنگى تولىق جولدى قامتيدى جانە عىلىم كوميتەتى باعدارلاماسىنىڭ «تولىق تسيكلىن» قامتاماسىز ەتەدى. ول قازاقستاننىڭ ورنىقتى ەكونوميكالىق ءوسۋى مەن باسەكەگە قابىلەتتىلىگىن ارتتىرۋ ءۇشىن عىلىمدى قاجەتسىنەتىن وندىرىستەر مەن عىلىمي ازىرلەمەلەردى كوممەرتسيالاندىرۋدىڭ ماڭىزدىلىعى تۋرالى پرەزيدەنت جولداۋىمەن تولىق ۇيلەسەدى», دەپ تۇيىندەدى عالىم.
جوبانى ودان ءارى تابىستى ىسكە اسىرۋ جاعدايىندا شيكىزات قورى بار وڭتۇستىك جانە وڭتۇستىك-شىعىس وڭىرلەردە ءوندىرىستى كەڭەيتۋ جوسپارلانۋدا.
ايتا كەتۋ كەرەك, اسەل جەكسەمباەۆا جەتەكشىلىك ەتەتىن قۇرىلىس-تەحنيكالىق ينجينيرينگ ورتالىعىن قۇرۋ جونىندەگى مەگاجوبا اياسىندا 19 عىلىمي-تەحنيكالىق ازىرلەمە بويىنشا قولدانبالى زەرتتەۋلەر جۇرگىزىلۋدە. جوباعا 70 جەتەكشى عالىم, ينجەنەر جانە حالىقارالىق ساراپشى تارتىلعان.
