فوتو: ۆيدەوكادر
باق دەرەكتەرىنە سايكەس, شابۋىلداۋشىلاردىڭ بىرىنە وق ءتيىپ قايتىس بولعان, ەكىنشىسى جارالانعان. يزرايل پرەزيدەنتى يتسحاك گەرتسوگ بۇل وقيعانى ەۆرەي قاۋىمىنا قارسى شابۋىل دەپ اتاعان.
ء«بىزدىڭ باۋىرلارىمىز بوندي جاعاجايىندا حانۋكانىڭ العاشقى شامىن جاعۋ ءۇشىن جينالعان ۋاقىتتا تەرروريستەردىڭ قاتىگەز شابۋىلىنا ۇشىرادى», دەپ كەلتىرگەن ونىڭ ءسوزىن يەرۋساليمدەگى كەڭسەسى.
ايتا كەتەيىك, حانۋكا – ەۆرەي حالقىنىڭ جارىق مەيرامى, ول گريگوريان كۇنتىزبەسى بويىنشا قاراشانىڭ سوڭى مەن جەلتوقساننىڭ باسىندا 8 كۇن بويى اتاپ وتىلەدى. 2025 جىلى حانۋكا 14 جەلتوقسان كەشىندە باستالىپ, 22 جەلتوقسان كەشىندە اياقتالادى.
پوليتسيا تۇرعىنداردى بۇل اۋماقتان اۋلاق بولۋعا, ال جاعاجاي ماڭىندا جۇرگەندەردى قاۋىپسىز جەرگە جاسىرىنۋعا شاقىردى.
كەمىندە بىرنەشە ادام جاراقات العان. زارداپ شەككەندەر تۋرالى ناقتى مالىمەتتەر انىقتالىپ جاتىر.
تارالعان كۋاگەرلەردىڭ ۆيدەوسىندا وق اتقان ادامداردىڭ ءبىرىن ارتقى جاعىنان كەلگەن كەزدەيسوق ءوتىپ بارا جاتقان ادام قارۋسىزداندىرىپ, مىلتىعىن تارتىپ العانى كورىنەدى.
اۆستراليالىق News.com باسىلىمى سيدنەي جاعاجايىنداعى اتىس سالدارىنان ون ادام قازا تاپقانىن, ولاردىڭ اراسىندا بالالار مەن ءبىر پوليتسيا قىزمەتكەرى بار ەكەنىن حابارلادى. پوليتسياداعى دەرەككوزدەر شابۋىل بىرنەشە اي بويى جوسپارلانعان بولۋى مۇمكىن دەپ بولجايدى.
