جۇمان اسقار ۇلى پەداگوگيكالىق جانە جاتتىقتىرۋشى رەتىندەگى ەڭبەك جولىن 1982 جىلى باستاعان ەكەن. سودان بەرى تابان اۋدارماي, ۇزاق جىلدار بويى جەڭىل اتلەتيكا مەن ۆولەيبولدان اۋداندىق, وبلىستىق جانە رەسپۋبليكالىق جارىستاردىڭ تالاي جەڭىمپازدارى مەن جۇلدەگەرلەرىن تاربيەلەگەن مايتالمان باپكەر. بۇگىندە ول زەينەتكە شىعىپ, قوپا اۋىلىندا تۇرىپ جاتىر. اۋىل تۇرعىندارى مەن شاكىرتتەرى ونىڭ ەڭبەگىنە دەگەن العىسى بولەك.
ءسويتىپ اياگوز اۋدانىنىڭ زور قۇرمەتىنە يە بولعان جاتتىقتىرۋشى جۇمان اسقار ۇلىنا ارنالعان اۋداندىق ۆولەيبولدان اشىق تۋرنيرگە ەمەلتاۋ, وركەن, اقشي, قوساعاش, قوپا اۋىلدارى, اقتوعاي كەنتى جانە №8 مەكتەپ, س. سەيفۋللين اتىنداعى مەكتەپ ۇجىمدارىنان قۇرالعان ۇزدىك سەگىز كوماندا سايىسقا ءتۇستى.
تارتىسقا تولى بولعان دوپ دوداسىندا قوپا اۋىلىنىڭ قۇراما كومانداسى I ورىن يلەنسە, II ورىن وركەن اۋىلىنىڭ قۇراما كومانداسى, III ورىن ەمەلتاۋ قۇراما كومانداسى بولدى. تۋرنيرگە قارجىلاي قولداۋ كورسەتكەن KAZ Minerals Aktogay كومپانياسىنىڭ اتىنان جەڭىمپاز اتانعان ءى ورىنعا – 300 مىڭ, ءىى ورىنعا – 200 مىڭ, ءىىى ورىنعا – 100 مىڭ تەڭگە اقشالاي سىيلىقتارمەن جانە جۇلدەگەرلەر كۋبوكتارمەن, ديپلومدارمەن ماراپاتتالدى.
قۇرمەت پەن العىس بەلگىسى رەتىندە شاكىرتتەرى بەلگىلى جاتتىقتىرۋشى سىيلى جۇمان جەتىباەۆقا يىعىنا شاپان جاۋىپ, استىنا ات مىنگىزدى.
«بۇل جۇمان اسقار ۇلىنىڭ ەل سپورتىن دامىتۋعا جانە جاس بۋىندى سپورتقا تاربيەلەۋگە قوسقان كوپجىلدىق ەڭبەگىنە كورسەتىلگەن قۇرمەت. بۇل تەك كاسىبي سپورت قانا ەمەس, بۇقارالىق سپورتتى دامىتۋعا جاسالىپ جاتقان ءىس-شارا. وعان قارجىلاي قولداۋ ءبىلدىرىپ جاتقان دەمەۋشىلەرگە العىس ايتامىز. تۋرنير جوعارى دەڭگەيدە ءوتتى», دەيدى ۇيىمداستىرۋشىلار.
اباي وبلىسى
