فوتو: اشىق دەرەككوز
پروكۋراتۋرانىڭ مالىمەتىنشە, سوت كۇدىكتىنى قاماۋعا الۋعا سانكتسيا بەرگەن. ال وزگە اقپارات جاريا ەتىلمەيدى.
«قوستاناي وبلىسى بويىنشا دكقب (دكنب) قىزمەتكەرلەرى قىزمەتتىك وكىلەتتىكتى اسىرا پايدالانۋ فاكتىسى بويىنشا تەرگەۋ جۇرگىزۋ بارىسىندا دەنساۋلىق ساقتاۋ باسقارماسى باسشىسىنىڭ ورىنباسارى دوسپانوۆ ە.-ءنى ۇستادى», دەلىنگەن وبلىستىق پروكۋراتۋرا حابارلاماسىندا.
35 جاستاعى ەربولات دوسپانوۆ ءار جىلدارى قوستاناي قالالىق جەدەل مەديتسينالىق جاردەم ستانتسياسىندا ەكونوميست, اتالعان قالا ەمحاناسىندا بۋحگالتەر, قوستاناي وبلىسى دەنساۋلىق ساقتاۋ باسقارماسىندا ءارتۇرلى لاۋازىمدى قىزمەتتەر اتقارعان.
2020 جىلى ول وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى بولىپ تاعايىندالعان. 2024 جىلى قوستاناي وبلىستىق فتيزيوپۋلمونولوگيا ورتالىعىندا ەكونوميكا جانە اكىمشىلىك-شارۋاشىلىق جۇمىسى جونىندەگى باس دارىگەردىڭ ورىنباسارى بولدى. كەيىن وبلىستىق ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى لاۋازىمىن اتقاردى. 2024 جىلى قايتادان قوستاناي وبلىسى دەنساۋلىق ساقتاۋ باسقارماسى باسشىسىنىڭ ورىنباسارى قىزمەتىنە ورالعان.
