فوتو: اشىق دەرەككوز
بۇعان دەيىن, 2024 جىلدىڭ تامىزىندا, ازاماتتىق اۆياتسيا كوميتەتى تىكەلەي رەيستى 2025 جىلدىڭ سوڭىندا اشۋ مۇمكىن ەكەنىن مالىمدەگەن ەدى. الايدا جوسپار وزگەرىپ, اۋە قاتىناسى ازىرگە ىسكە قوسىلعان جوق. ءمينيستردىڭ ايتۋىنشا, نەگىزگى سەبەپ – Boeing جانە Airbus كونتسەرندەرىنىڭ ۇشاق جەتكىزۋ مەرزىمدەرىنىڭ ايتارلىقتاي كەشىگۋى.
مينيستر ساۋرانباەۆتىڭ سوزىنشە, مۇنداي قاشىقتىققا تىكەلەي ۇشۋ ءۇشىن جاڭا بۋىنداعى dreamliner سەكىلدى اۋە لاينەرى قاجەت.
«اقش باعىتىنداعى رەيس سولتۇستىك پوليۋس ارقىلى وتەدى, ياعني ءبىز رەسەي اۋماعىن كەسىپ ءوتۋىمىز كەرەك. بۇل باعىتقا ارنايى جاڭا dreamliner لاينەرى قاجەت. ءبىرىنشى كەزەكتە ۇشاقتىڭ بولۋى ماڭىزدى. ال قازىرگى تاڭدا Airbus جانە Boeing زاۋىتتارىنىڭ تاپسىرىس پورتفەلى 14 جىلعا دەيىن تولىپ تۇر. وسىعان بايلانىستى ۇشاقتاردى جەتكىزۋ مەرزىمى كەيىنگە شەگەرىلۋدە», دەدى ول ۇكىمەتتەگى بريفينگتە.
ءمينيستردىڭ ايتۋىنشا, قازاقستان كەلەسى جىلى الۋى ءتيىس اۋە كەمەلەرى ەندى 2027 جىلى عانا جەتكىزىلەدى. وسى جاعدايعا بايلانىستى Air Astana اقش-قا قاتىناۋ ءۇشىن ارالىق نۇسقا ۇسىنعان.
«لوندونعا توقتاۋ قاراستىرىلدى. جولاۋشىلار بورت اۋىستىرمايدى, لوندوندا تەك تەحنيكالىق قونۋ جاسالىپ, كەيىن ۇشاق اقش-قا باعىت الادى. Dreamliner كەلگەنگە دەيىن ءبىز ازىرگە وسىنداي مارشرۋتتى پايدالانۋىمىز مۇمكىن. قازىر وسى باعىتتى پىسىقتاپ جاتىرمىز», دەپ تۇيىندەدى ساۋرانباەۆ.
