قوستاناي وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ايىپتاۋ ۇكىمىن شىعارعان.
ءىس جابىق رەجيمدە قارالعاندىقتان, ونىڭ ەگجەي-تەگجەيى جاريالانبايدى.
«سوت ليساكوۆسك تۇرعىنىن قر قك 121-بابىنىڭ 4-بولىگى («سەكسۋالدىق سيپاتتاعى كۇش قولدانۋ ارەكەتتەرى») بويىنشا 13 جاستاعى قىزعا قاتىستى جاساعان قىلمىسى ءۇشىن ءومىر بويىنا باس بوستاندىعىنان ايىرۋ جازاسىنا كەستى», دەلىنگەن حابارلامادا.
ايتا كەتەيىك, قوعامدى ءدۇر سىلكىندىرگەن وقيعا 2025 جىلدىڭ ناۋرىزىندا بولدى. كۇدىكتى ۇستالىپ, سوت ونىڭ قاماۋعا الىنۋىنا سانكتسيا بەرگەن.
مالىمەتكە ساي, ول – جەكە ۇيىمنىڭ جالدامالى قىزمەتكەرى. تەرگەۋ مۇددەسىنە بايلانىستى وزگە دەرەكتەر جاريا ەتىلمەگەن.
