باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ قىلمىستىق قاۋىپتەر مەن قوعامدىق قاۋىپسىزدىك تاۋەكەلدەرىن بولجاۋ ورتالىعى جاڭا ينتەرنەت-الاياقتىق سحەماسى تۋرالى حابارلايدى.
شەتەلدىك دەرەككوزدەرگە سۇيەنسەك, الاياقتار شابۋىلدىڭ جاڭا تولقىنىن باستاعان:
ولار ەندى جەتكىزۋ قىزمەتتەرىنىڭ, باسقارۋشى كومپانيالاردىڭ جانە بانكتەردىڭ اتىنان حاتتار مەن SMS حابارلامالار تاراتادى.
«اۆتوريزاتسياداعى قاتە», «دوموفوندى اۋىستىرۋ» نەمەسە «ەسەپتەگىشتەردى تەكسەرۋ» سياقتى سىلتاۋلاردى العا تارتىپ, ازاماتتاردى وزدەرىنە قايتا قوڭىراۋ شالۋعا ماجبۇرلەيدى.
ناتيجەسىندە, ەشتەڭەدەن كۇدىكتەنبەگەن ازاماتتار كيبەر-الاياقتارعا الەۋمەتتىك ينجەنەريا قۇرالدارىن قولدانۋعا مۇمكىندىك جاسايدى.
وسىعان بايلانىستى باس پروكۋراتۋرا قازاقستاندىقتارعا كيبەرقاۋىپسىزدىكتى ساقتاۋ ءۇشىن كەلەسى شارالاردى ورىنداۋدى ۇسىنادى:
1. قىراعى بولىڭىز: بەلگىسىز كىرىس حابارلامالار مەن قوڭىراۋلارعا سىن كوزبەن قاراڭىز.
2. تەك رەسمي نومىرلەرگە قوڭىراۋ شالىڭىز: تەك ۇيىمداردىڭ سايتتارىندا كورسەتىلگەن رەسمي نومىرلەرگە عانا قايتا قوڭىراۋ شالىڭىز.
3. ەكى فاكتورلى اۋتەنتيفيكاتسيانى قولدانىڭىز: قاۋىپسىزدىكتى ارتتىرۋ ءۇشىن ەكى فاكتورلى اۋتەنتيفيكاتسيانى مىندەتتى تۇردە قولدانىڭىز.
4. قۇپيا دەرەكتەردى جاريالاماڭىز: بانك كارتالارىنىڭ دەرەكتەرىن, SMS-تەگى ءبىر رەتتىك كودتاردى جانە كەز كەلگەن قۇپيا اقپاراتتى ءۇشىنشى تۇلعالارعا ەشقاشان ايتپاڭىز.
«قىراعى بولىڭىزدار, كيبەرقاۋىپسىزدىكتى ساقتاڭىزدار», دەپ قورىتىندىلادى باس پروكۋراتۋراسى.
