جاستىق جىگەر – ەل يگىلىگىنە

وتكەن اپتانىڭ باسىندا سەمەي­دە قالا كۇنى, ال سەنبى كۇنى جاستار كۇنى وتكىزىلدى. ەركە ەرتىس وزەنى جاعاسىندا وتكىزىلگەن بۇل مەرەكەدە كونتسەرتتىك باعدارلامامەن بىرگە, ءتۇرلى ۆيكتورينا مەن قىزىقتى كون­كۋرستار مولىنان ۇيىمداستىرىل­دى. مازمۇندى جاستار كەشىنە سەمەيدە وقىپ جاتقان شەتەلدىك ستۋدەنتتەر دە كوپتەپ قاتىستى. سو­نىڭ ءبىرى, وسىنداعى مەديتسينا ۋني­ۆەرسيتەتىن ءبىتىرىپ جاتقان پاكستان­دىق تۇلەكپەن تىلدەسكەنىمىزدە ول ءوز وتانىنا ۇلىلار ەلىن, جالپى قازاقستاندى قيماي كەتىپ بارا جاتقانىن مالىمدەدى. جالپى, ءۇش كۇنگە سوزىلعان جاس­تار كۇنىن وتكىزۋگە “نۇر وتان” حا­لىقتىق-دەموكراتيالىق پارتياسى­نىڭ جەرگىلىكتى بولىمشەسىندەگى جاستار قاناتى ۇيىتقى بولدى. بۇل شارا پەداگوگيكا ينستيتۋتىندا, شاكارىم اتىنداعى ۋنيۆەرسيتەتتە, دوستىق ۇيىندە ءتۇرلى تاقىرىپپەن وتكەن تاقىرىپتىق شارالارمەن باستالدى. ولاردا ماسكۇنەمدىكپەن, ناشا­قورلىقپەن كۇرەس شارالارى قۋاتتالىپ, سالاماتتى ءومىر سالتى كەڭىنەن ناسيحاتتالدى. سونىمەن بىرگە, سەمەي ستۋدەنت­­تەرى اليانسىنىڭ توراعاسى مۇحيت سۇتتىباەۆتىڭ باستاماسىمەن “اۋى­لىم – التىن بەسىگىم” اكتسياسىنا قاتىسۋعا تىلەك بىلدىرۋشىلەر كوپ بول­دى. اكتسياعا قاتىسۋشىلار بي­ىل­عى قىستان زارداپ شەككەن اۋىل­دارعا بارىپ كومەكتەسپەك. 15 ستۋ­دەنت الىستاعى اقسۋات, كوكجىرا اۋىل­دارىنا اتتانىپ تا كەتتى. ءبىر­نەشە ستۋدەنت قالانى كوركەيتىپ, كوگال­داندىرۋ جۇمىستارىنا اتسالىسپاق. سولايشا ەلىمىز بويىنشا ال­دىڭ­عى ساپتا كەلە جاتقان مۇنداعى ستۋ­دەنتتەر اليانسى تىڭ باستاما­لارىمەن كوزگە تۇسۋدە. داۋلەت سەيسەن ۇلى, سەمەي.