«ءساتتى قادام» جوباسىنىڭ ەكىنشى كەزەڭى باستالدى

«ءساتتى قادام» جوباسى قازاقستاندا 2013 جىلدان بەرى جۇزەگە اسىپ كەلەدى. «نۇر وتان» پارتياسى العا قويعان بۇل ماسەلەگە جوو مەن ارنايى وقۋ ورىندارىن تامامداعان جاستار شاقىرىلادى. جوبانىڭ باستى ماقساتى – ەلىمىزدەگى ۇلتتىق كومپانيا­لار مەن مەملەكەتتىك ورگاندارىندا تاعىلىمدامادان ءوتۋدى ۇيىمداستىرۋ. جوبا قاتىسۋشىلاردى ىرىكتەۋ, سۇحباتتاسۋ, سونداي-اق, ترەنينگتەر ارقىلى كاسىبي بىلىكتىلىكتەرى مەن جەكە مۇمكىندىكتەرىن قالىپتاستىرۋدى كوزدەيدى. استانا قالاسىنىڭ ۇيىم­داستىرۋ كوميتەتى اعىمداعى جىلدىڭ تامىز ايىندا «ءساتتى قادام» جوباسىنىڭ جاڭا كە­زەڭىندە قۇجاتتاردى قابىلداۋ ناۋقانىن اياقتادى. جوبا اياسىندا ەلىمىزدىڭ بارلىق وڭىرىنەن 1000-نان اسا وتىنىشتەر قابىلداندى. استانا قالاسىندا سۇحباتتاسۋعا 192 ادام ءوتتى. قاتىسۋشىلار ءۇشىن سۇحباتتاسۋ 11-13 تامىز ارالىعىندا استانا قالاسى, قوناەۆ كوشەسى, 12/1 «نۇر وتان» پارتياسىنىڭ ورتالىق اپپاراتى عيماراتىندا وتەدى. انىقتاما تەلەفونى: 8 (7172)707-684. «جاس وتان» جق توراعاسى نۇرلان سىدىقوۆ بىلاي دەيدى: «نۇر وتان» پارتياسىنىڭ «ءساتتى قادام» جوباسى – جاس ماماندار ءۇشىن ءتيىمدى الەۋمەتتىك ساتى بولىپ تابىلادى. باعدارلاما جاستارعا كاسىبي جاعىنان جانە تۇلعا رەتىندە قالىپتاسۋىنا, اياققا نىق تۇرۋىنا سەپتىگىن تيگىزىپ, ەلىمىزدىڭ الدىڭعى قاتار­لى ۇيىمدارىندا تاجىريبە جيناقتاۋلارىنا كومەكتەسەدى». «جاس وتان» جق اتالمىش جوبانى ىسكە اسىرا وتىرىپ, ەلباسى ۇسىنعان 5 ينستيتۋتتىق رەفورمانى جۇزەگە اسىرۋعا ءوز ۇلەسىن قوسادى. جوبا بويىنشا جۇمىس تاپقان قاتىسۋشىلار سونىڭ دالەلى. «ەگەمەن-اقپارات».