قازاقستان — فرانتسيا جوعارى وقۋ ورىندارىنىڭ فورۋمى ءوتتى

جۋىردا پاريج قالاسىندا قازاقستاننىڭ فرانتسياداعى ەلشىلىگىنىڭ اتسالىسۋىمەن قازاقستان-فرانتسيا جوعارى وقۋ ورىندارىنىڭ ء“بىلىم الۋدىڭ حالىقارالىقتانۋى, باعىت-باعدار, پروبلەمالار جانە پەرسپەكتيۆالار” اتتى العاشقى فورۋمى ءوتتى. اتالعان فورۋمنىڭ ماقساتى – قازاقستان مەن فرانتسيا جوعارى وقۋ ورىندارىنىڭ اراسىنداعى جوعارى ءبىلىم الۋ سالاسىنداعى ىنتىماقتاستىقتى كەڭەيتۋ ءارى نىعايتۋ دەسەك, بۇل شاراعا ءبىزدىڭ ەلىمىزدەن قر ءبى­لىم جانە عىلىم مينيسترلىگىنىڭ وكىلدەرى, جوعارى وقۋ ورىندارى­نىڭ, عىلىمي ورتالىقتاردىڭ, جانە “بولاشاق” حالىقارالىق باع­دارلاماسىنىڭ باسشىلارى­نان قۇرالعان توپ قاتىستى. ال فرانتسيا تاراپىنان جوعارى ءبىلىم جانە زەرتتەۋ, سىرتقى ءىس­تەر, كوشى-قون مينيسترلىك­تەرىنىڭ, كامپۋس فرانس اگەنت­تىگىنىڭ باسشىلارى كەلدى. فورۋمدا بولون پروتسەسى اياسىنداعى جوعارى ءبىلىم الۋدىڭ دامۋ ءۇردىسى جانە قازاقستان مەن فرانتسيا اراسىنداعى ءوزارا قارىم-قاتىناستىڭ ودان ءارى دامۋى ماسەلەلەرى تالقىلاندى. فورۋمعا قاتىسۋشىلار جاھان­دانۋدىڭ قوعام الدىنا قويىپ وتىرعان تالاپتارىن ەسكەرە وتىرىپ, جوعارى وقۋ ورىن­دارىنىڭ ىنتىماقتاستىعىن دامىتۋ جانە جوعارى ءبىلىم الۋدى حالىقارالىقتاندىرۋ بويىنشا تىعىز قارىم-قاتى­ناستا جۇمىس ىستەۋگە كەلىستى. ءسويتىپ, ەكى جاق ءوزارا ىنتى­ماقتاستىق ورناتۋ ماقساتىن­داعى ۋاعدالاستىقتارعا قول جەتكىزىپ, بىرنەشە كەلىسىم-شارتتارعا قول قويدى. سونىمەن قاتار, فورۋمعا قاتىسۋشىلاردى ورتالىق ازيا-فرانتسيا دوستىق پارلامەنتارا­لىق توبىنداعى قازاقستان باعىتى ءۇشىن جاۋاپتى سەناتور ەيمەري دە مونتەسكيۋ, قازاق­ستان-فرانتسيا پارلامەنتارا­لىق دوستىق توبىنىڭ توراعاسى, دەپۋتات تەرري مارياني قابىلدادى. “ەگەمەن-اقپارات”.