يندونەزيا مەن ءفيليپپيندى قوسا العاندا ءىز-ءتۇزسىز جوعالىپ كەتكەندەر سانى 31 ادام, دەپ حابارلادى ارمەنپرەسس Reuters اگەنتتىگىنە سىلتەمە جاساپ.
پوليتسيانىڭ حابارلاۋىنشا, تابىلعان 159 ءمايىتتىڭ 140-نىڭ كىم ەكەنى انىقتالدى. ولاردىڭ ىشىندە نارەستە دە بار. پوليتسيا ءورتتىڭ شىعۋ سەبەبىن انىقتاۋ جۇمىستارى اياسىندا بايقاۋسىزدا كىسى ءولتىرۋى مۇمكىن 21 كۇدىكتىنى ۇستادى. ال گونكونگتىڭ سىبايلاس جەمقورلىقپەن كۇرەس اگەنتتىگى پارا الۋ ارەكەتى بويىنشا تەرگەۋ جۇرگىزىپ جاتىر.
گونكونگ اكىمشىلىگىنىڭ باسشىسى دجون لي 3 جەلتوقسان كۇنى سۋديالاردىڭ جەتەكشىلىگىمەن ءورتتىڭ سەبەبىن تەرگەپ, عيمارتتى قولدانۋ ەرەجەسىنىڭ ورىندالعان-ورىندالماعانىن انىقتاماق.
ءورت تاي پو اۋدانىنداعى سەگىز عيماراتتان تۇراتىن «ۆان فۋك كورت» تۇرعىن ءۇي كەشەنىنەن شىقتى جانە 26 جەلتوقسان كۇنى كۇندىز وتە جىلدام تارادى. تۇرعىن ءۇي كەشەنىندە 2 مىڭ پاتەر بولعان, وندا 4600 ادام تۇرىپ جاتقان.
