فوتو: kazfootball.kz
28 جاستاعى فۋتبولشى «قايراتتىڭ» تاريحي جەڭىسكە جەتۋىنە ۇلەس قوسىپ, بەلارۋس ۇلتتىق قۇراماسىنىڭ ساپىندا دا وڭ ناتيجەلەرىمەن كوزگە تۇسكەن. ۆالەري گرومىكو اتالعان ماراپاتتىڭ قۇندى ەكەنىن ايتا وتىرا ءاردايىم جانىندا بولىپ, قولداعان جاندارعا العىس ءبىلدىردى.
«بۇل - مەنىڭ كاسىبي مانسابىمداعى ماڭىزدى ماراپاتتاردىڭ ءبىرى. ەس بىلگەلى فۋتبولدى جانىما سەرىك ەتىپ كەلەمىن. سوندىقتان ءار ماراپات شابىتتاندىرادى. وسىنداي جەتىستىككە جەتۋىمە ۇلەس قوسقان ارىپتەستەرىمە ريزاشىلىعىمدى بىلدىرەمىن. سونداي-اق اتا-اناما العىس ايتقىم كەلەدى. ولار مەنى فۋتبول ۇيىرمەسىنە بەرىپ, وسى سپورتتا كوزگە تۇسۋىمە قولدارىنان كەلگەنىنىڭ ءبارىن جاسادى. قيىن ساتتەردە قاسىمنان تابىلىپ, ءاردايىم قولداي بىلگەن ومىرلىك سەرىگىم, سۇيىكتى ايەلىمە دە راقمەت ايتامىن», دەدى ۆالەري گرومىكو.
ايتا كەتەيىك, 9 جەلتوقسان كۇنى «قايرات» چەمپيوندار ليگاسى اياسىنداعى ويىنىن استانادا گرەكيانىڭ «وليمپياكوس» كومانداسىنا قارسى وتكىزەدى.
