فوتو: qazdauiri.kz
ول بۇل ۇسىنىس ادىستەمەلىك ەمەس ۇلتتىق ءبىلىم ساپاسى مەن ادىلدىگىن ايقىندايتىن ستراتەگيالىق ماسەلە ەكەنىنە نازار اۋداردى.
بولات كارىمبەك قوعامدا مەكتەپ باعدارلاماسىنا ۇلتتىق قۇندىلىقتارعا نەگىزدەلگەن ارنايى ءپان ەنگىزۋ باستاماسى دا ءجيى كوتەرىلەتىنىن اتاپ ءوتتى.
ماسەلە كوتەرگەن دەپۋتات وقۋ-اعارتۋ مينيسترىنە جالپى ءبىلىم باعدارلاماسىن وقۋشىلاردىڭ جاس ەرەكشەلىكتەرىنە بەيىمدەۋ, وقۋ جۇكتەمەسىن وڭتايلاندىرۋعا قاتىستى قانداي جۇمىستار اتقارىلىپ جاتقانىن جانە ۇلتتىق قۇندىلىقتارعا نەگىزدەلگەن ارنايى ءپان ەنگىزۋ جوسپارى بار-جوعىن ءبىلۋ ءۇشىن ساۋال قويدى.
ءوز كەزەگىندە وقۋ-اعارتۋ ءمينيسترى جۇلدىز سۇلەيمەنوۆا مەملەكەتتىك جالپىعا مىندەتتى ءبىلىم ستاندارتى بەكىتىلگەنىن, قازىر اپروباتسيا جۇرگىزىلىپ جاتقانىن جەتكىزدى.
«اپروباتسيا ناتيجەسى جەلتوقسان ايىنىڭ سوڭىندا جاريالانادى. سودان كەيىن ءبىلىم بەرۋ باعدارلامالارىن بەكىتۋ ءىسىن باستايمىز. قوعامدا باستاۋىش سىنىپتاعى ماتەماتيكا, لينگۆيستيكا, جاراتىلىستانۋ پاندەرىنىڭ مازمۇنىنا قاتىستى ورىندى ۇسىنىستار بار. ءبىز بۇل ماسەلەنى ساراپشى, ادىسكەرلەرمەن بىرگە تالقىلايمىز. ال ۇلتتىق قۇندىلىقتاردى ءبىر ءپان نەگىزىندە شەكتەۋگە بولمايدى. ول بارلىق ءپان نەگىزىن قامتۋ كەرەك. مەملەكەت باسشىسى ايقىنداعان «ادال ازامات» ءبىرتۇتاس تاربيە باعدارلاماسىندا بەكىتىلگەن قۇندىلىقتاردى بارلىق پانگە ەنگىزۋ جۇمىستارىن جۇرگىزىپ جاتىرمىز», دەدى جۇلدىز سۇلەيمەنوۆا.
