"قازاۆتوجول" مالىمەتىنشە, 2 جەلتوقسان كۇنى كەشكى ۋاقىتتان باستاپ بىرنەشە باعىتتا ۋاقىتشا جولدار جابىلىپ, قوزعالىس شەكتەۋلەرى كۇشىنە ەنگەن.
اقتوبە وبلىسى
ساعات 19:30-دان باستاپ جۇك جانە قوعامدىق كولىكتەر ءۇشىن رەسەي شەكاراسى – مارتوك – اقتوبە – قارابۇتاق – قىزىلوردا – شىمكەنت – تاراز – قورداي – الماتى – قورعاس – قىتاي شەكاراسى باعىتىنداعى جولدىڭ 776-1240 شاقىرىمدارى («ەكويل» جقس-دان قىزىلوردا وبلىسىنىڭ شەكاراسىنا دەيىن) جابىلدى.
جولدىڭ قايتا اشىلۋى 3 جەلتوقساندا 05:00-دە كۇتىلەدى.
پاۆلودار وبلىسى
ساعات 20:00-دەن باستاپ بارلىق كولىك تۇرلەرى ءۇشىن پاۆلودار – شارباقتى – رەسەي شەكاراسى (شارباقتى وتكىزۋ بەكەتى) جولىنىڭ 0-112 شاقىرىمى ۋاقىتشا جابىلدى.
اشىلۋ ۋاقىتى – 3 جەلتوقسان, 07:00.
قىزىلوردا وبلىسى
ساعات 20:00-دەن باستاپ جۇك جانە قوعامدىق كولىكتەر ءۇشىن مارتوك – اقتوبە – قارابۇتاق – قىزىلوردا – شىمكەنت – تاراز – قورداي – الماتى – قورعاس باعىتىنىڭ 1240-1362 شاقىرىمدارى (اقتوبە وبلىسىنىڭ شەكاراسىنان ارال قالاسىنا دەيىن) جابىلدى.
شەكتەۋلەر 3 جەلتوقسان, 05:00-گە دەيىن ساقتالادى.
اقمولا وبلىسى
ساعات 19:30-دان باستاپ استانا – كوكشەتاۋ – پەتروپاۆل – رەسەي شەكاراسى باعىتىنداعى جولدىڭ 19-231 شاقىرىمدارىندا (ششۋچينسك – استانا بولىگى) بارلىق كولىك ءۇشىن رۇقسات ەتىلگەن جىلدامدىق 110 كم/ساع-تان 80 كم/ساع-قا تومەندەتىلدى.
جۇرگىزۋشىلەرگە ساپاردى جوسپارلاعاندا رەسمي مالىمەتتەردى نازاردا ۇستاۋ ۇسىنىلادى.
