پەتروپاۆلدا قازاق تەاترى العاش رەت 1935 جىلى اشىلعان. بىراق كەڭەستىك ساياسات قىزىلجارعا قازاق جۇرتشىلىعىن جاقىنداتپاۋ ماقساتىمەن ول تەاتردى 1938 جىلى اتىراۋعا كوشىرىپ جىبەرگەن. سودان بەرگى ورىستاندىرۋ ساياساتىمەن ءتول ونەرىمىزدەن اجىراپ قالعان قالا جۇرتشىلىعىنا 2000 جىلى, تاۋەلسىزدىكتىڭ ارقاسىندا, س.مۇقانوۆتىڭ 100 جىلدىعىنا وراي, 62 جىلدان كەيىن قازاق تەاترى قايتا اشىلعان ەدى. ونى رەجيسسەر ا.سارسەنبەك م.اۋەزوۆتىڭ «قاراگوز» سپەكتاكلىمەن اشقىسى كەلگەن, بىراق قالانىڭ كونەكوز قارتتارى س.مۇقانوۆتىڭ ءوز پەسالارى دا كەم ەمەس ەكەنىن ايتىپ, سابەڭ تەاترى ءوز شىعارماسىمەن اشىلسىن دەپ تالاپ قويعان.
ءسويتىپ, س.مۇقانوۆ اتىنداعى تەاتر جازۋشىنىڭ «اققان جۇلدىز» پەساسىمەن اشىلعان ەدى. سودان بەرى تەاتر حالىقارالىق, رەسپۋبليكالىق بىرنەشە كونكۋرستاردىڭ جەڭىمپازى بولىپ كەلەدى.
سوڭعى رەت تۇركىستاندا بولعان حالىقارالىق كونكۋرستا س.مۇقانوۆتىڭ ء«مولدىر ماحاببات» رومانىن ساحنالاپ, باس جۇلدەنى جەڭىپ اكەلدى. تەاتردىڭ قازىرگى ديرەكتورى ءبىرجان جالعاسباەۆ.
پەتروپاۆل
