2026 جىلدان باستاپ وقشاۋلاۋدى تەرەڭدەتۋگە, تەحنولوگيالار ترانسفەرتىن دامىتۋعا جانە قازاقستاندىق وندىرۋشىلەردىڭ ەكسپورتتىق الەۋەتىن كەڭەيتۋگە باعىتتالعان ۇزاق مەرزىمدى شارتتار جاساسۋدىڭ جاڭارتىلعان قاعيدالارى كۇشىنە ەنەدى. مۇنداي شارتتاردىڭ مەرزىمدەرى وقشاۋلاۋ دەڭگەيىنە بايلانىستى بەلگىلەنەدى جانە كەمىندە بەس جىلدى قۇرايدى.
سونىمەن قاتار, مينيسترلىك ۇزاق مەرزىمدى كەلىسىمشارتتاردىڭ شامادان تىس ۇلەسى نارىقتىق باسەكەلەستىكتى شەكتەۋى مۇمكىن ەكەنىن اتاپ ءوتتى. وسىعان بايلانىستى وتاندىق كومپانيالاردىڭ اراسىندا بارىنشا باسەكەلەستىك ورتانى قالىپتاستىرۋ جوسپارلانىپ جاتىر.
بۇدان باسقا, مينيسترلىك تەگىن مەديتسينالىق كومەكتىڭ كەپىلدەندىرىلگەن كولەمى (تمككك) جانە ءمامس شەڭبەرىندە جەتكىزىلەتىن دارىلىك زاتتاردى ءوندىرۋ كەزىندە پايدالانىلاتىن يمپورتتالاتىن سۋبستانتسيالار مەن شيكىزاتتى ققس-تان بوساتۋ تۋرالى ۇكىمەت قاۋلىسىنىڭ جوباسىن ازىرلەدى.
بۇل شارا وزىندىك قۇنىن تومەندەتۋگە جانە جەرگىلىكتى ءوندىرىستىڭ ءوسۋىن ودان ءارى ىنتالاندىرۋعا باعىتتالعان.
دەنساۋلىق ساقتاۋ مينيسترلىگى وتاندىق فارماتسەۆتيكا سالاسىن قولداۋ, اشىق جانە باسەكەلەستىك نارىقتى قالىپتاستىرۋ جانە حالىقتى ساپالى, قولجەتىمدى دارىلىك زاتتارمەن قامتاماسىز ەتۋ جونىندەگى دايەكتى شارالاردى ىسكە اسىرۋدى جالعاستىرادى.
