سونىمەن قاتار «سۇلتان كامال» جشس 2,5% مايلىلىقتاعى ايرانعا 43,2%, «كادومەتس جك» 1-ساناتتاعى تاۋىق جۇمىرتقاسىنا 25% مولشەرىندە, ال «ەر-اي 2012» جشس قاراقۇمىق جارماسىنا بەلگىلەنگەن شەكتى دەڭگەيدەن 12% جوعارى ساۋدا ۇستەمەسىن بەلگىلەگەن.
وڭىرگە كوكونىس ونىمدەرىن جەتكىزەتىن «جك ناديروۆ» جانە «جك مارش» ساۋدا جەلىلەرىنە كارتوپتى وتكىزگەن كەزدە ساۋدا ۇستەمەسىن تيىسىنشە 5% جانە 20%-عا اسىرعان.
وسى زاڭبۇزۋشىلىقتاردىڭ ناتيجەسىندە ساۋدا جانە ينتەگراتسيا مينيسترلىگىنىڭ قاراعاندى وبلىسى بويىنشا ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتى اتالعان سۋبەكتىلەردىڭ بارلىعىن قر اقبتك-ءنىڭ 204-4-بابى بويىنشا اكىمشىلىك جاۋاپكەرشىلىككە تارتتى.
جالپى, وبلىستا مەملەكەتتىك باقىلاۋ اياسىندا جىل باسىنان بەرى 155 ساۋدا سۋبەكتىسى اكىمشىلىك جاۋاپكەرشىلىككە تارتىلعان. ونىڭ ىشىندە 142 سۋبەكت الەۋمەتتىك ماڭىزى بار ازىق-ت ۇلىك تاۋارلارى بويىنشا ساۋدا ۇستەمەسىن نەگىزسىز ارتتىرعان, 10 جاعدايدا باعا كورسەتكىشتەرىنىڭ سايكەس ەمەستىگى انىقتالعان, 3 سۋبەكت ساۋدا نىساندارىنىڭ جۇمىس رەگلامەنتىن ساقتاماعان.
ناتيجەسىندە 40 كاسىپكەرگە ەسكەرتۋ بەرىلىپ, 115 كاسىپكەرگە جالپى سوماسى 5 ملن تەڭگەدەن استام ايىپپۇل سالىندى. الەۋمەتتىك ماڭىزى بار تاۋارلاردىڭ باعاسىن نەگىزسىز وسىرۋگە جول بەرمەۋ جانە ءونىمسىز دەلدالدىق تىزبەكتەردى بولدىرماۋ ماقساتىندا وبلىستا دەلدالدىق سحەمالاردى تەرگەپ-تەكسەرۋ جونىندەگى وڭىرلىك كوميسسيا جۇمىس ىستەيدى.
