كۇن بەتىندە الاپات جارىلىس تۋدىرا الاتىن ەنەرگيا جيناقتالىپ جاتقان بولۋى مۇمكىن

اقش-تىڭ مۇحيت جانە اتموسفەرالىق زەرتتەۋلەر ۇلتتىق باسقارماسىنىڭ (NOAA) استرونومدارى, داقتار توپتارىنا ءنومىر بەرۋ ءۇشىن جاۋاپتى ماماندار بۇگىن كەشەندى بىردەن ءۇش توپقا ءبولىپ تاستادى.

جالپى بىرىككەن اۋداندى ولار كاتالوگتا ءۇش نومىرگە ءبولدى: 4296 (سول جاقتاعى داقتار), 4294 (ورتالىق داقتار) جانە 4298 (وڭ جاقتاعى داقتار). سونىڭ سالدارىنان ورتالىق 4294 توبى ءوز زاڭدى اۋماعىنىڭ ۇلكەن بولىگىنەن «ايىرىلىپ», كاتالوگتا بار بولعانى 1100 بىرلىككە دەيىن قىسقاردى جانە فورمالدى تۇردە ەندى جىل بويىنشا تەك ەكىنشى ورىندا تۇر. دەگەنمەن كوپشىلىك ەرتەڭ ول ءوز كورسەتكىشىن قايتارادى دەپ سەنىمدى. بىراق NOAA ماماندارىنىڭ «جاۋاپ رەتىندە» تاعى جاڭا نومىرلەر دايىنداپ قويعان بولۋى دا ابدەن مۇمكىن. قالاي بولعاندا دا, بۇل ارەكەتتەر كەشەننىڭ ناقتى جالپى كولەمىنە اسەر ەتپەيدى.

سوڭعى ەكى تاۋلىكتىڭ ەڭ ۇلكەن جۇمباعى – وسى وراسان ۇلكەن توپتىڭ تىنىشتىعى. بۇل قۇبىلىس وتە تۇسىنىكسىز. قازىر كۇننىڭ سولتۇستىگىندە ورنالاسقان 4274 توبى (بۇگىن 4299 ءنومىرىن الدى) اۋماعى بار-جوعى 100 (!) بىرلىك بولا تۇرا X كلاستى جاڭا جارقىل جاسادى. ال الدىڭعى رەت جەر جاققا قاراعاندا اۋماعى 1100 بىرلىك بولىپ, 5 X جارقىل تۋدىرعان ەدى. ال وڭتۇستىكتە قالىپتاسقان, اۋدانى 1600 بىرلىك قۇرايتىن بيىلعى ەڭ ءىرى كەشەن سوڭعى ءبىر كۇندە تەك ءالسىز س-دەڭگەيلى ءبىر عانا جارقىلمەن شەكتەلدى. مۇنداي كولەمدە ەنەرگيا قورى وراسان بولۋى ءتيىس, بىراق ول قايدا جۇمسالىپ جاتقانى بەلگىسىز.