مەديتسينالىق قىزمەت ساپاسى ارتا ءتۇستى

ۇكىمەتتىڭ «ورتالىق اتقا­رۋشى ورگاندار باسشىلارىنىڭ حالىقپەن كەزدەسۋلەرىن وتكىزۋ تۋرالى» قاۋلىسى اياسىندا ال­ماتى وبلىسىنا جۇمىس ساپا­رى­مەن كەلگەن دەنساۋلىق ساق­تاۋ ءمينيسترى اقمارال ءالنا­زاروۆا ەڭبەكشىقازاق كوپ­بەيىن­دى ورتالىق اۋداندىق اۋرۋ­حانا­سىنىڭ جۇمىسىمەن تانىسىپ, تالعار اۋداندىق اكىمدىگىندە ازاماتتىق سەكتور وكىلدەرىمەن, ءوڭىر تۇرعىندارىمەن كەزدەسۋ وت­كىزدى. القالى باسقوسۋعا ال­ماتى وبلىسى اكىمىنىڭ ءبىرىنشى ورىنباسارى قانات ەسبولاتوۆ, وبلىستىق دەنساۋلىق ساقتاۋ باس­قارماسىنىڭ باسشىسى ەر­جان سۇلەيمەنوۆ, مەديتسينا سالاسىنىڭ جاۋاپتى ماماندارى قاتىستى. كەزدەسۋ بارىسىندا مينيستر بيىلعى 9 ايدىڭ قورى­تىندىسىنا توقتالىپ, دەنساۋ­لىق سالاسىنداعى وڭ وزگەرىستەردى اتاپ ءوتتى.

دەنساۋلىق سالاسىنداعى ەڭ وڭ­تايلى شەشىم, بۇدان بىلاي بۇقارا سكرينينگتىك تەكسەرۋدەن كەپىلدى مەديتسينالىق كومەك اياسىندا وتە الادى. ەلى­مىز­دىڭ باس دارىگەرى اقما­رال ءالنازاروۆا اقجولتاي حاباردى حالىققا جەتكىزىپ قانا قويماي, ەل ازاماتتارىنىڭ ءومىر ءسۇرۋ جا­سى ۇلعايعانىنا بايلانىس­تى, سكري­نينگتىك تەكسەرۋدەن ءوتۋ 76 جاس­قا ۇزارتىلعانىن اتاپ ايتتى.

– تەگىن مەديتسينالىق كومەك­تىڭ كەپىلدىك بەرىلگەن پاكەتىنە ەندىگى كەزدە ونكوسكرينينگ تە قو­سىلدى. بۇل ءوز كەزەگىندە 300 مىڭ ساقتاندىرىلماعان حالىقتىڭ تەكسەرۋدەن وتۋىنە مۇمكىندىك بەرەدى, – دەدى ا.ءالنازاروۆا.

ءوڭىر تۇرعىندارىمەن كەز­دەسۋ بارىسىندا ۆەدومستۆو باسشىسى جەدەل جاردەم قىز­مەتىندەگى وزگەرىستەردى ءمالىم ەتتى. ءمينيستردىڭ ايتۋىنشا, 4-ساناتتاعى جەدەل شاقىرتۋلار مساك دەڭگەيىنە بەرىلىپ, موبيل­دىك بريگادالار مەن call-ور­تالىقتار ەنگىزىلدى. بۇل جەدەل جاردەم جۇكتەمەسىن 40-50%-عا تو­مەندەتكەن. سون­داي-اق جەدەل جاردەم كابينەت­تەرى اشىلۋىنىڭ ارقاسىندا ستاتسيو­نارلارعا تۇسەتىن وتى­نىشتەر سانى 20%-عا ازايعان.

مينيستر مەديتسينالىق ساق­تاندىرۋ جۇيەسىن كۇشەيتۋ جو­نىندە قابىلدانعان زاڭنامالىق وزگەرىستەردى دە ءتۇسىندىردى. ال­داعى جىلدان باستاپ ءمامس جارنالارىنىڭ ەسەپتەۋ بازاسى ۇلعايادى, جۇيەگە قوسىمشا 200 ملرد تەڭگە تۇسەدى. 2027 جىلدان باستاپ مەملەكەت جارنالارى 2%-دان 4,7%-عا دەيىن كەزەڭ-كەزەڭىمەن وسەدى. ايتا كەتەيىك, الماتى وبلىسىندا بۇگىندە حالىقتىڭ 83,2%-ى ساقتاندىرىلعان, 16,8%-ى ساق­تاندىرىلماعان. بۇل باعىت­تاعى جۇمىستى ۇيلەستىرۋ ماقساتىندا وڭىرلىك شتاب قۇرىلعان. مي­نيستر دەنساۋ­لىق ساقتاۋ ين­فرا­­قۇرىلىمىن جاڭعىرتۋ, مەديتسينالىق كومەك­تىڭ ساپاسىن ارتتىرۋ, قول­جەتىمدىلىگىن كە­ڭەيتۋ جۇمىس­ى جالعاسا­تىنىن ايتتى.

بۇگىندە الماتى وبلىسىندا تۇر­عىندارعا 356 مەديتسينالىق ۇيىم قىزمەت كورسەتەدى, ونىڭ 54-ءى – جەكە مەنشىك نىساندار. ايماقتاعى دەن­ساۋلىق ساقتاۋ سالاسىندا 3 مىڭعا جۋىق دارىگەر, 10 مىڭنان اسا ورتا بۋىن مەديتسينا قىزمەتكەرى ەڭبەك ەتەدى.

وتكەن جىلى وبلىستىڭ مەديتسي­نالىق مەكەمەلەرى جال­پى قۇنى 3,7 ملرد تەڭگە­نى قۇ­رايتىن 239 بىرلىك مەدي­تسينا­لىق قۇرال-جابدىقپەن, 15 سانيتارلىق اۆتوكولىكپەن قامتا­ماسىز ەتىلدى. جاھاندىق قوردىڭ قولداۋىمەن فتيزيوپۋلمونولوگيا ورتالىعى 51,5 ملن تەڭگەگە رەنتگەن اپپاراتىن الدى.

وسى جىلى 1 ماگنيتتى-رەزو­نانستى توموگراف, 1 انگيوگراف, 10 بەينە­ەندوسكوپيالىق تىرەك, 2 مامموگراف, 2 جوعارى ساپالى ۋلترادىبىستىق زەرتتەۋ اپپاراتى, جالپى سانى 347 مەديتسينالىق تەحنيكا ساتىپ الۋعا جەرگىلىكتى بيۋدجەتتەن 6,07 ملرد تەڭگە ءبولىندى. سونىڭ ناتيجەسىندە وبلىستىڭ مەديتسينالىق ۇيىمدارىن جاب­دىقتارمەن قامتاماسىز ەتۋ دەڭ­گەيى 79%-دان 92%-عا جەتتى.

«قازاقستان حالقىنا» قورى­نىڭ قولداۋىمەن بەرىلگەن 2 جىل­­جىمالى مەديتسينالىق كەشەن ارقىلى 2024 جىلى 15 871 اۋىل تۇرعىنى ونكولوگيالىق سكرينينگتەن وتكەن. اۋىلدىق جەرلەردە ينفراقۇرىلىمدى جاڭعىرتۋ جۇمىسى جالعا­سىپ جاتىر. اتاپ ايتار بول­ساق, «اۋىلدىق دەنساۋلىق ساقتاۋ­دى جاڭعىرتۋ» ۇلتتىق جوبا­سى اياسىندا جالپى قۇنى 3,5 ملرد تەڭگەنى قۇرايتىن 38 مەدي­تسينالىق نىساننىڭ قۇرىلىسى جوسپارلانعان. بۇگىندە 23 نىسان پايدالانۋعا بەرىلدى, قالعان 15 نىسان وسى جىلدىڭ سوڭىنا دەيىن ىسكە قوسىلادى. سونىمەن قاتار بيىل جەرگى­لىكتى بيۋدجەت ەسەبىنەن 7 جاڭا مەديتسينالىق مەكەمەنىڭ قۇرىلىسى باستالدى. 2022 جىلى ەڭبەكشىقا­زاق كوپبەيىندى اۋدانارالىق اۋرۋ­حاناسىندا دۇنيەجۇزىلىك دەنساۋلىق ساقتاۋ ۇيىمى­نىڭ العاشقى مەديتسينالىق-ساني­تارلىق كو­مەك كورسەتۋ جونىندەگى دەمون­ستراتسيالىق الاڭى اشىلدى.

ستاتسيونار پاتسيەنتتەرىنە كورسە­تىلەتىن كومەكتىڭ ساپاسىن ارتتىرۋ ماقساتىندا ءوڭىردىڭ مەديتسينالىق مەكەمەلەرىن­دە گوسپيتالدىق فارماتسيا بولىم­شەلەرى جۇمىسىن باس­تادى. بۇگىندە وبلىستا تراۆماتولوگيا, نەيروحيرۋرگيا, رەنتگەنوحيرۋرگيا, لور, ۋرولوگيا باعىتتارىندا جوعارى تەحنولوگيالىق مەديتسينالىق كومەك كورسەتىلەدى. سونىمەن قاتار رەسپۋبليكالىق دەڭگەيدە جاسالاتىن ەندوپروتەزدەۋ, نەيروحيرۋرگيالىق وپەراتسيالار جۇرگىزىلىپ جاتىر.

بالالارعا ارنالعان وڭالتۋ قىز­مەتتەرى دە كەڭەيىپ كەلەدى. «قام­قورلىق» قورىنىڭ قول­داۋىمەن وبلىستا تسەرەبرالدى سال اۋرۋى, اۋتيزم, ەپيلەپسيا, پسيحيكالىق جانە سويلەۋ دامۋىنىڭ بۇزىلىستارى, سون­داي-اق وكپە, جۇرەك-قان تامىر­­لارى اۋرۋلارى بار بالا­لارعا ارنالعان وڭالتۋ ورتا­لىق­تارى اشىلدى. ورتالىقتار ەڭبەك­شىقازاق اۋدانارالىق اۋرۋحاناسى, جامبىل, كەگەن اۋداندىق اۋرۋحانالارىنىڭ بازاسىندا جۇمىس ىستەيدى. بۇل ورتالىقتار ەرەكشە قاجەت­تىلىگى بار بالالاردىڭ مەدي­­­تسي­نالىق كومەككە قولجە­تىمدى­لىگىن ارتتىرىپ, وڭالتۋ ناتيجە­لەرىن جاقسارتۋعا مۇم­كىندىك بەردى.

وڭىردەگى كادر تاپشىلىعىن تومەن­دەتۋ ماقساتىندا جىل سا­يىن جەرگىلىكتى بيۋدجەت ەسەبىنەن مەديتسينالىق كادر­لاردى دايار­لاۋ جۇزەگە اسىرىلىپ كەلەدى. بىلتىرعى جىلى وبلىسقا 90 جاڭا دارىگەر كەلگەن. قازىرگى تاڭدا مەديتسينا­لىق رەزيدەنتۋرادا 180 مامان جەرگىلىكتى بيۋدجەت قاراجاتى ەسەبىنەن وقىپ جاتىر. اسا تاپشى ماماندىقتار بويىنشا قىزمەتكە كەلگەندەرگە 8 500 000 تەڭگە كولەمىندە ءبىر رەتتىك الەۋمەتتىك تولەم بەرىلەدى.

– حالىقتىڭ سۇرانىسىنا ساي كەلەتىن ءتيىمدى دەنساۋلىق ساقتاۋ جۇيەسىن قا­لىپتاستىرۋ – باستى مىندەتىمىز, – دەپ قورى­تىن­دىلادى اقمارال شارىپ­بايقىزى.

ساپار سوڭىندا سالا باسشىسى قوناەۆ قالاسىنداعى كوپبەيىندى قالالىق اۋرۋحا­ناسىنىڭ جۇمىسىمەن تانىستى. ازاماتتاردى جەكە وتىنىش­تەرىمەن قابىلدادى. سونداي-اق بريفينگتە باق وكىلدەرىنىڭ ساۋال­دارىنا جاۋاپ بەردى.