فوتو: istockphoto.com
قتج مالىمەتىنشە, 2025 جىلدىڭ 30 قاراشاسىندا ساعات 14:56-دا جەتىسۋ وبلىسىنداعى دوس – سارىوزەك ارالىعىندا جۇك پويىزىنىڭ ءماشينيسى ساعاتىنا 43 كم جىلدامدىقپەن كەلە جاتىپ, تەمىرجول بويىنا ادام شىققانىن كورىپ, پويىزدى شۇعىل تەجەگەن.
«ەر ادام لوكوموتيۆتەن بەرىلگەن دابىلدارعا قاراماي, رەلس ۇستىندە توقتاپ قالعان. ناتيجەسىندە ول اياعىن جاراقاتتاپ, سارىوزەك ستانتسياسىنىڭ اۋرۋحاناسىنا جەدەل جەتكىزىلدى.
پويىز 15:35-تە قوزعالىسىن جالعاستىردى, 39 مينۋتقا كىدىرىس بولدى», دەپ حابارلادى ۇلتتىق كومپانيا.
قتج بارلىق ازاماتتاردى تەمىرجول بويىندا قاۋىپسىزدىك ەرەجەلەرىن قاتاڭ ساقتاۋعا جانە تەك رۇقسات ەتىلگەن جەرلەردەن وتۋگە شاقىردى. بۇل ەرەجەلەردى ساقتاۋ – قايعىلى جاعدايلاردىڭ الدىن الۋدىڭ باستى شارتى.
