فوتو: qostanaitv.kz
قاراجات قوستاناي, جىتىقارا, ارقالىق قالالارىن جىلۋمەن جابدىقتاۋ جانە رۋدنىيدى سۋمەن جابدىقتاۋ نىساندارىن جوندەۋگە باعىتتالدى.
قوستاناي قالاسىنىڭ جەو باس بۋ قۇبىرىن رەكونسترۋكتسيالاۋعا 188 ملن تەڭگە ءبولىندى. بۇل نىسان 1955 جىلى پايدالانۋعا بەرىلگەن.
بۋ قۇبىرىن ءىشىنارا جوندەۋ سوڭعى رەت 2012 جىلى جۇرگىزىلگەن. جاڭعىرتۋ قىسقى كەزەڭدە جەو جۇمىسىنىڭ سەنىمدىلىگىن ارتتىرۋعا مۇمكىندىك بەرەدى.
جىتىقارا قالاسىندا 11 شاعىن اۋداندا جىلۋ جەلىلەرىن جوندەۋگە 389 ملن تەڭگە ءبولىندى. بۇل جىلۋ جەلىلەرى 183 كوپپاتەرلى ءۇي, 2,5 مىڭ از قاباتتى ۇيمەن قاتار, قالا قۇرىلىسىنىڭ ەداۋىر ماسسيۆتەرىن قامتيدى. جىلۋ ەنەرگياسىن تۇتىنۋشىلاردىڭ جالپى سانى 15,5 مىڭ ابونەنتتى قۇرايدى.
جالپى, قالانىڭ جىلۋ جەلىلەرىنىڭ ۇزىندىعى 78 شاقىرىم, ونىڭ ىشىندە ماگيسترالدىق جەلىلەرى – 7,53 شاقىرىم.
سونداي-اق جۇمىستار ارقالىق قالاسىندا دا جۇرگىزىلىپ جاتىر, وندا جىلۋ جەلىلەرىن رەكونسترۋكتسيالاۋ بويىنشا جوبانىڭ ءۇشىنشى كەزەگىن جۇزەگە اسىرۋعا شامامەن 645 ملن تەڭگە باعىتتالدى. 2025 جىلعا ەسەپتەۋلەرگە سايكەس جالپى ۇزىندىعى 10 شاقىرىم بولاتىن 1,6 شاقىرىم جەلىنى جاڭارتۋ جوسپارلانىپ جاتىر. بۇل جەلىگە جالپى ءبىلىم بەرەتىن مەكتەپپەن قاتار 300 ابونەنت قوسىلعان.
رۋدنىي قالاسىنىڭ سۋمەن جابدىقتاۋ جۇيەسىن رەكونسترۋكتسيالاۋ جوباسى 500 ملن تەڭگەگە قارجىلاندىرىلدى. اتاپ ايتقاندا, قاراجات 1978 جىلى پايدالانۋعا بەرىلگەن قالانىڭ №2 سۇزگى ستانساسىن جاڭعىرتۋعا جۇمسالادى. جوبا رۋدنىي قالاسىن, قاشار جانە گورنياتسك كەنتتەرىن, سونداي-اق ونەركاسىپتىك نىسانداردى – بارلىعى 122 مىڭنان استام ادامدى ۇزدىكسىز جانە ساپالى سۋمەن جابدىقتاۋدى, سونداي-اق جىلىتۋ ماۋسىمىنىڭ اپاتسىز ءوتۋىن قامتاماسىز ەتەدى.
ۇكىمەت قابىلداعان جاڭعىرتۋ شارالارى وڭىردەگى ينجەنەرلىك ينفراقۇرىلىمدى ەداۋىر نىعايتۋعا, جىلۋ جانە سۋمەن جابدىقتاۋ نىساندارىنىڭ سەنىمدىلىگى مەن تيىمدىلىگىن ارتتىرۋعا, شىعىنداردى ازايتۋعا, تۇرعىندار مەن الەۋمەتتىك ماڭىزى بار نىسانداردى جىلۋمەن جانە سۋمەن قامتاماسىز ەتۋگە مۇمكىندىك بەرەدى.
