«بۇل – ۇيدە ەرمەك ەتەتىن ءىسىمىز. بىردە شاحمات ساتىپ الدىق. ودان كەيىن شاحمات تاستارىنا شاپان جاۋىپ, قازاقى ويۋ-ورنەكپەن ارلەپ, ۇلتتىق ۇلگىدە قايتا جاساپ شىقساق قايتەدى دەگەن وي كەلدى. الدىمەن ويىن تاستارىنىڭ تسيفرلىق ۇلگىسىن سىزباعا ءتۇسىرىپ الدىق. ءبارى دايىن بولعان سوڭ, بىرتىندەپ باسىپ شىعارا باستادىق. بۇل جۇمىسقا تاۋلىگىنە 3-4 ساعات ۋاقىت بولدىك. كۇنى بويى اۋرەگە تۇسكەن كەزدەر دە بولدى. ويتكەنى مۇسىنشەلەردى باسىپ شىعارىپ جاتقاندا اۋا تەمپەراتۋراسى قولايسىز بولىپ قالادى دا, ءبارىن قايتا باستاۋعا تۋرا كەلەدى. كەيدە جارىق ءسونىپ قالادى. وسىلايشا, شارشى تاقتا ۇستىندەگى پاتشانىڭ ورنىن حان باستى. ءۋازىردىڭ ورنىنا حانشانى, ءپىلدىڭ ورنىنا قاناتىن قومداپ تۇرعان قوس قىراندى قويدىق. ەكى اتتى دا ويۋ-ورنەكپەن اسەمدەپ بەزەندىرىپ, قازاقتىڭ قازاناتىنا ۇقساتتىق», دەيدى الەكسەي ۆرازوۆسكي.
ەرلى-زايىپتىلار ۇلتتىق ۇلگىدەگى شاحماتتى پوليلاكتيد دەپ اتالاتىن ماتەريالدان جاساپ شىعارعان.
«الداعى ۋاقىتتا 3D تەحنولوگياسىنىڭ كومەگىمەن قازاق حالقىنىڭ ۇلتتىق مادەنيەتىن دارىپتەيتىن باسقا دا دۇنيەلەردى جاساپ شىعارعىمىز كەلەدى. مىسالى, قازىر ءبىز «التىن ادامنىڭ» كوشىرمەسىن جاساپ جاتىرمىز. ونىڭ العاشقى نۇسقاسىن قىزىمىز وقىپ جاتقان مەكتەپكە تارتۋ ەتپەكپىز», دەيدى شەبەرلەر.
قوستاناي وبلىسى
