ايتا كەتەيىك, رەجيسسەردىڭ تولىقمەتراجدى دەبيۋتتىك جۇمىسى – «Accidental Films» جشس تۇسىرگەن كارتينا. فيلم مادەنيەت جانە اقپارات مينيسترلىگى مەن ۇلتتىق كينونى قولداۋ مەملەكەتتىك ورتالىعىنىڭ قولداۋىمەن دۇنيەگە كەلگەن. جوبا حالىقارالىق ىنتىماقتاستىق اياسىندا فرانتسيانىڭ (Films de Force Majeure), نيدەرلاندتىڭ (Volya Films), ليتۆانىڭ (M-Films), شۆەتسيانىڭ (Kjellson & Wik) پروديۋسەرلىك كومپانيالارىمەن جانە ساۋد ارابياسى كورولدىگىنىڭ قولداۋىمەن تۇسىرىلگەن.
تۋىندىدا 17 جاستاعى ميلا ەسىمدى قىزدىڭ وقيعاسى باياندالادى. ول جۇزگىشتەر كومانداسىنا قوسىلعىسى كەلەدى. ءسويتىپ, ەركىن ءومىر ءسۇرىپ, وتباسىنداعى قيىندىقتان قۇتىلۋعا ۇمتىلادى. الايدا مارەگە جەتەر تۇستا ونىڭ ءومىرىن وزگەرتەتىن تاڭداۋ جاساۋعا ءماجبۇر بولادى. فيلمدە باستى رولدەردى توميريس جانعازينوۆا, ليتۆالىق اكتەر ۆالەنتين نوۆوپولسكي, اسەل قاليەۆا, مەدينا ساعىندىقوۆا وينايدى.
ءفيلمنىڭ الەمدىك پرەمەراسى تامىز ايىندا لوكارنو حالىقارالىق كينوفەستيۆالىندە ءوتتى. كەيىن تۋىندى وڭتۇستىك كورەياداعى پۋسان حالىقارالىق كينوفەستيۆالىنىڭ باعدارلاماسىنا ەندى.
بۇل ماراپات وتاندىق كينوعا دەگەن قىزىعۋشىلىقتىڭ ارتىپ كەلە جاتقانىن كورسەتىپ, سالاعا بولىنگەن مەملەكەتتىك قولداۋدىڭ ناتيجەلى ەكەنىن ايقىندايدى.
